Santa Fe (Mèsic Nóṿ)

C'l artìcul chè 'l è scrit in Miranduléś

Santa Fe (a s lèś [ˌsæntə ˈfeɪ] in ingléś) l'è na sità di Stat Unî, capitàł dal stat dal Mèsic Nóṿ. C'n i sò utantasèt-mila abitànt l'è la quàrta sità più granda dal stat e la gh'à na superfìsi ad 135,57 km². L'è stada fundàda in dal 1610 da di culóni spagnōi e la fà part dla cuntèa 'd Santa Fe. Al sò nóm in spagnōl a vōl dir “Santa Fēd”.

Al sò clima 'l è temperâ cald e 'l è cundisiunâ da 'l fat ch'la sità la s cata a i pē di mònt Sànguv ad Crist. Pasànd i dumìla métar su 'l livèl dal mâr l'è la capitàł più in élt di Stat Unî.

Tgnénd adrē a 'l censimènt dal 2020, la sò gint la s divìd in un 41,43% ad biànc, un 51,02% 'd ispànig, un 1,47% ad natìṿ americàṅ e da 'n 2,65% ad rasa misćia.

La sò ecunumìa la cónta dimóndi su art e cultùra, design, turìśum (la fà part dal sità creatìvi d'l artiśanâ e dl'art pupulàra par 'l UNESCO), tecnulugìa e śvilùp dal software, editurìa e indùstria tèsil.

Da 'l 2018 al sò sìndig 'l è 'l demucràtic Alan Webber.

Persunàǵ ligâ a Santa Fe

Raoul Trujillo, atōr
Adrian Grenier, atōr
Lori Nelson, atōra

Culegamènt estéran

Àtar prugèt

Wikimedia Commons contiene file multimediali su Santa Fe (Mèsic Nóṿ)