Santa Bàrbara (Califòrgna)

C'l artìcul chè 'l è scrit in Miranduléś

Santa Bàrbara (a s lèś [ˌsæntə ˈbɑːrbərə] in ingléś) l'è na sità di Stat Unî, cgnusùda cuma “La Rivéra Americàna” catànd-as su 'l ucéan Pasìfic a i pē di mònt ad Santa Ynez, in dla cuntèa ad Santa Bàrbara. C'n i sò dagnóra nuànta-mila abitànt l'è in dla lista dal sènt sità più grandi dla Califòrgna (a 'l 94^śum pòst).

La gh'à na superfìsi ad 108,79 km² e l'è stada incurpuràda in dal 1850. Dòp al taramòt dal 1925 'l è stada fata na léǵ par far in manéra ch'la gran part dla sità la gh'is 'd avēr-ag dal cà c'n un stîł “spagnōl”, c'n i mur quaciâ par na śmalta biànca e di cóp rós su i téǵ.

La sità, ch'la gh'à 'n clima mediteràni, 'l è 'n sènt'r impurtànt p'r al turìśum ma la pōl anc cuntàr su i servìsi (cuma qvéi finansiàri e par la salùt, in tut i dànan lavōr a 'l 35% dla sò gint), l'istrusiòṅ, la tecnulugìa e l'agricultùra. Tut i an, da 'l 1986, in sità a gh'è 'l Santa Barbara International Film Festival dedicâ a 'l mónd dal cìnema.

Tgnénd adrē a 'l censimènt dal 2020, la sò gint la s divìd in un 51,75% ad biànc, un 38,73% 'd ispànig, un 1,22% ad négar, un 0,31% ad natìṿ americàṅ e da 'n 3,84% ad rasa misćia.

Da 'l 2022 al sò sìndig 'l è 'l demucràtic Randy Rowse.

Persunàǵ ligâ a Santa Bàrbara

Timothy Bottoms, atōr
Marianna Hill, atōra
Katy Perry, cantànta

Culegamènt estéran

Àtar prugèt

Wikimedia Commons contiene file multimediali su Santa Bàrbara (Califòrgna)