Vai al contenuto

Saint-Tropez

Da Wikipedia.
(Reindirizzamento da San Tropez)

C'l artìcul chè 'l è scrit in Miranduléś Emiliàn

Al sò stéma
Saint-Tropez sgnàda su la mapa
Vduda da 'l élt


«
A Saint-Tropez la luna si desta con te e balla il twist contando le stelle nel ciel.»
(IT)(Saint Tropez Twist, Peppino di Capri 1958)
«
A Saint-Tropez la luna la s déśda tèg e la bala 'l twist cuntànd al stéli in dal cēl.»
(MIRND)


«
She still speaks with an accent from a week in San Tropez, she makes love on her brass bed 'cause her parents are still away.»
(EN)(She’s So European, Kiss 1980)
«
La dascór incóra cun 'l asènt dna stmana a Saint-Tropez, la fà 'l amōr in dal sò lèt 'd utòṅ parchè i suo i èṅ incóra via.»
(MIRND)


«
As I reach for a peach, slide a rind down behind the sofa in San Tropez.»
(EN)(San Tropez, Pink Floyd 1971)
«
In dal méntar ch'a tóg un pèrśag, a fag śliciàr la pèla da drē da 'l divàṅ a Saint-Tropez.»
(MIRND)


Saint-Tropez (a s lèś [sɛ̃ tʁɔ'pe] in in Francéś) 'l è 'n cumùṅ dal sud-èst dla Frància ad sinc-mila abitànt a 'l incìrca ch'al s cata in dal dipartimènt dal Var in dla regiòṅ dla Pruvénsa-Alp-Còsta Turchìna.

Par di sécui 'l è stâ sōl un vilàǵ ad pescadōr ma pò, par via dal sucès dal film Piace a troppi cun Jean-Louis Trintignant e la Brigitte Bardot, al s è trasfurmâ da i an Sinquànta in avànti in òṅ di pòst più fîg e da fighét dla Còsta Turchìna, frequentâ da la Bardot ma anc da la Joan Collins, ch'la gh'à scrit un lìbar, e da persunàg dal cìnema, dla mùśica e dla mòda cuma Beyoncé, Angelina Jolie, Sylvester Stallone, Leonardo DiCaprio, Elton John e Kate Moss.

Saint-Tropez la s cata in dla part a nòrd dna penìśula c'n al stés nóm, a 104 km a èst da Marsìglia, a 60 km a nòrd-èst da Tulòṅ e a 112 km a sud-òvest da Nisa. P'r al paéś i gh pàsan di turènt cic cuma La Gassine e La Moutte ch'al dà vita a 'n padól pìcul quànd al riva a 'l mâr Mediteràni, in dla spiàgia Les Salins.

Al sò clima 'l è mediteràni, cun di Istâ caldi e séchi e di Invèran tévad e umid cun dal temperadùri mèdi ch'i vànan da i 6 °C in dla stagiòṅ fréda a i 27,3 °C in dla stagiòṅ calda.

La sò sìndiga, dal 'l 2020, l'è la Sylvie Siri dla dèstra.

Ólt'r a 'l turìśum Saint-Tropez la pōl cuntàr su la cultivasiòṅ dla vida, c'n i sò vèṅ ch'i èṅ IGP. La sò gint l'è impgnàda par 'l 80% e pasa in dal tersiàri.

Culegamènt estéran

[mudéfica la surzéia]

Àtar prugèt

[mudéfica la surzéia]
Estratto da "https://eml.wikipedia.org/w/index.php?title=Saint-Tropez&oldid=163704"