Sèlga

C'l artìcul chè 'l è scrit in Miranduléś

Sèlga
na sèlga
Dominì: Eukaryota
Rèign: Animalia
Phylum: Chordata
Subphylum: Hub
Clâsa: Aves
Sòtclâsa: Neornithes
Superórdin: Neognathae
Órdin: Passeriformes
Sòtórdin: Oscines
Infraórdin: Passerida
Famija: Paridae
Gènàr: Parus
Sòrta: Parus major Linnaeus, 1758

La sèlga (nóm sientìfic Parus major, cinciallegra in itagliàṅ) 'l è 'n uśèl paserfórum dla famìja di Paridae, cun quìndas sóta-spéci.

A s trata dna bestiulìna ch'la viṿ in Európa, in Nòrd-Àfrica, in Turchìa, in Iràn e in dl'Àśia sentràla.

Descrisiòṅ

La sèlga l'è lunga da i 13,5 a i 15 cm a 'l incìrca, cun dal péni verdàstri su la schina, cóa e ali griśi su 'l blù, tèsta e góla négri, gòlta biànca e pèt śal cun na banda négra in dal mèś. Da grand c'l uślèṅ chè al riva a pśar da i quatórdas a i vint-a-dū gram.

S'al s abìtṿa al pōl rivàr a davśinàr-'s a 'l óm par magnàr. I gh piàśan insèt, bēg, béghi e ragn sōv'r ad tut, specialmènt in Istâ, ma 'l pōl catàr nutrimènt anc in dla fruta e in dla scménsa che lò al vèra c'n al bèc tgnénd-la strica c'n al śampìni.

A s trata dna bestiulìna piutòst rabìda in di cunfrònt di àt'r uśèi cumpàgn a lò esénd ch'i ténd'n a dar-'g adòs par paràr-i via, specialmènt quànd i s davśìnan a 'l sò gnał o quànd a s trata 'd cumbàtar p'r al magnàr. La preferìs vìv'r in di bòsc, in di filàr dla fruta o anc in di giardèṅ.

La fà i ōṿ, in gènar da òt a quìndas ad culōr biànc cun dal maciulìni rósi scûri, fra Avrìl e Maǵ e pò la fémna la i cóva par quìndas dè. Quànd i nàs'n i pulśèṅ, tut dū i genitōr i gh tìnan adrē, par vint o trénta dè.

Culegamènt estéran

(IT) La sò paśna su 'l sit dla Treccani

Àtar prugèt

Wikiquote contiene citazioni di o su Sèlga
Wikimedia Commons contiene file multimediali su Sèlga