Ryan Reynolds

C'l artìcul chè 'l è scrit in Miranduléś

Ryan Rodney Reynolds (Vancouver, 23 'd Utóbar dal 1976, a s lèś [ˈɹaɪən ˈɹɛnəldz] in ingléś), 'l è 'n atōr, prudutōr e imprendidōr canadéś naturaliśâ americàṅ, famóś p'r avēr fat la part dal mutànt bacajòṅ Deadpool in soquànt film dla 20th Century Fox tacànd da X-Men le origini - Wolverine dal 2009. Al gh'à na stéla in dla Hollywood Walk of Fame.

'L à tacâ a recitàr in dal 1991 tulénd part a la série televiśìva Hillside faghénd al persunàǵ ad Billy Simpson. Dū an dòp 'l à fat al sò debùt a 'l cìnema c'n al drama Ordinary Magic in dua 'l fà 'n ragasōl ch'al fà 'l siòpar dla fam par salvàr la cà 'd sò sîna Charlotte. Sèmp'r in chi an lè a 'l ém vist in dal cumèdi Allarme mortale (1997), cun David Arquette e Stanley Tucci, e Le ragazze della Casa Bianca (1999) insém a la Kirsten Dunst.

Al s fà nutàr pò in dal 2002 faghénd al prutagunìsta dla cumèdia malnéta Maial College, in còpia cun la Tara Reid, par pò catàr spasi in Matrimonio impossibile (2003), a fiànc ad Michael Douglas e Albert Brooks. Dòp un camèo fat in American Trip - Il primo viaggio non si scorda mai (2004), in di pagn d'n infarmēr, al pasa a la scarésa prima recitànd in Blade: Trinity (2004), cun Wesley Snipes in di pagn dal casadōr ad vampîr Blade, e pò in Amityville Horror (2005), afracimènt dna pelìcula dal 1979 ad Stuart Rosenberg.

In dal 2006 al gira 'l film 'd asiòṅ Smokin' Aces insém a Ray Liotta e Jeremy Piven méntar dū an dòp 'l è 'l tùr'n ad Certamente, forse, cumèdia sentimentàla cun l'Abigail Breslin. In dal 2009 al s mét al custùm ad Deadpool par cumbàtar cóntar Wolverine in X-Men le origini - Wolverine. In séguit Reynolds al farà incóra cal persunàǵ lè anc in àtar film ad sucès cuma Deadpool (2016), Deadpool 2 (2018) e Deadpool & Wolverine (2024).

Fra i sò ùltim lavōr a 'l cìnema a 'rcurdém al thriller Buried - Sepolto (2010), al fantàstic Lanterna Verde (2011), al thriller The Captive - Scomparsa (2014), la cumèdia 'd asiòṅ Come ti ammazzo il bodyguard (2017) e 6 Underground (2019).

In televiśiòṅ a 'l ém vist in dal série televiśìvi Sabrina, vita da strega, X-Files, Oltre i limiti e Due ragazzi e una ragazza c'n al rōl ad Michael Bergen.

Ryan al gh'à abû na relasiòṅ ad sinc an cun la cantànta Alanis Morissette prima 'd spuśàr in dal 2008 la culéga Scarlett Johansson. Dòp avēr divursiâ sèg in dal 2011, 'l à purtâ a 'l matrimòni la mudèla Blake Lively ch'la gh'à dâ quàtar fiōi: James (2014), la Inez (2016), la Betty (2019) e la Olin (2023).

Filmugrafìa

1993 - Ordinary Magic, regìa ad Giles Walker
1994 - Voglia di ricominciare (My Name Is Kate), regìa ad Rod Hardy – Film TV
1995 - Costretta al silenzio (Serving in Silence: The Margarethe Cammermeyer Story), regìa ad Jeff Bleckner – Film TV
1996 - La mia migliore amica (When Friendship Kills), regìa ad James A. Contner – Film TV
1996 - Sabrina - Piccola strega (Sabrina the Teenage Witch), regìa ad Tibor Takács – Film TV
1996 - A sangue freddo (In Cold Blood), regìa ad Jonathan Kaplan – Film TV
1997 - Allarme mortale (Life During Wartime), regìa 'd Evan Dunsky
1998 - Tourist Trap, regìa ad Richard Benjamin – Film TV
1999 - Coming Soon, regìa dla Colette Burson (1999)
1999 - Le ragazze della Casa Bianca (Dick), regìa 'd Andrew Fleming
2000 - Big Monster on Campus (Boltneck), regìa ad Mitch Marcus
2000 - We All Fall Down, regìa ad Martin Cummins
2001 - Finder's Fee, regìa ad Jeff Probst
2002 - Maial College (National Lampoon's Van Wilder), regìa ad Walt Becker
2002 - Mai dire sempre (Buying the Cow), regìa ad Walt Becker
2003 - Matrimonio impossibile (The In-Laws), regìa 'd Andrew Fleming
2003 - Foolproof, regìa ad William Phillips
2004 - American Trip - Il primo viaggio non si scorda mai (Harold & Kumar Go to White Castle), regìa ad Danny Leiner
2004 - Blade: Trinity, regìa ad David S. Goyer
2005 - Maestro dell'anno (School of Life), regìa ad William Dear – Film TV
2005 - Amityville Horror (The Amityville Horror), regìa 'd Andrew Douglas
2005 - Waiting..., regìa ad Rob McKittrick
2005 - Just Friends (Solo amici) (Just Friends), regìa ad Roger Kumble
2006 - Smokin' Aces, regìa ad Joe Carnahan
2007 - The Nines, regìa ad John August
2007 - Chaos Theory, regìa ad Marcos Siega
2008 - Certamente, forse (Definitely, Maybe), regìa 'd Adam Brooks
2008 - Un segreto tra di noi (Fireflies in the Garden), regìa ad Dennis Lee
2009 - Adventureland, regìa ad Greg Mottola
2009 - X-Men le origini - Wolverine (X-Men Origins: Wolverine), regìa ad Gavin Hood
2009 - Ricatto d'amore (The Proposal), regìa dl'Anne Fletcher
2009 - Paper Man, regìa ad Kieran Mulroney e 'd Michele Mulroney
2010 - Buried - Sepolto, regìa ad Rodrigo Cortés
2011 - Lanterna Verde (Green Lantern), regìa ad Martin Campbell
2011 - Cambio vita (The Change-Up), regìa ad David Dobkin
2012 - Safe House - Nessuno è al sicuro (Safe House), regìa ad Daniel Espinosa
2012 - Ted, regìa ad Seth MacFarlane
2013 - R.I.P.D. - Poliziotti dall'aldilà (R.I.P.D.), regìa ad Robert Schwentke
2014 - The Captive - Scomparsa (The Captive), regìa 'd Atom Egoyan
2014 - Un milione di modi per morire nel West (A Million Ways to Die in the West), regìa ad Seth MacFarlane
2014 - The Voices, regìa dla Marjane Satrapi
2015 - Mississippi Grind, regìa ad Anna Boden e Ryan Fleck
2015 - Woman in Gold, regìa ad Simon Curtis
2015 - Self/less, regìa ad Tarsem Singh
2016 - Deadpool, regìa ad Tim Miller
2016 - Criminal, regìa 'd Ariel Vromen
2017 - Life - Non oltrepassare il limite (Life), regìa ad Daniel Espinosa
2017 - Come ti ammazzo il bodyguard (The Hitman's Bodyguard), regìa ad Patrick Hughes
2018 - Deadpool 2, regìa ad David Leitch
2019 - Pokémon: Detective Pikachu, regìa ad Rob Letterman
2019 - Fast & Furious - Hobbs & Shaw (Fast & Furious Presents: Hobbs & Shaw), regìa ad David Leitch
2019 - 6 Underground, regìa ad Michael Bay
2021 - Free Guy - Eroe per gioco (Free Guy), regìa ad Shawn Levy
2021 - Come ti ammazzo il bodyguard 2 - La moglie del sicario (Hitman's Wife's Bodyguard), regìa ad Patrick Hughes
2021 - Red Notice, regìa ad Rawson Marshall Thurber
2022 - The Adam Project, regìa ad Shawn Levy
2022 - Bullet Train, regìa ad David Leitch
2022 - Spirited - Magia di Natale (Spirited) regìa ad Sean Anders
2023 - Ghosted, regìa ad Dexter Fletcher
2024 - IF - Gli amici immaginari (IF), regìa ad John Krasinski
2024 - Deadpool & Wolverine, regìa ad Shawn Levy

Culegamènt estéran

Àtar prugèt

Wikimedia Commons contiene file multimediali su Ryan Reynolds