Ron Eldard

C'l artìcul chè 'l è scrit in Miranduléś

Ronald Jason Eldard, cgnusû méj cuma Ron Eldard (Long Island, 20 ad Favràr dal 1965), 'l è 'n atōr americàṅ.

Biugrafìa

Da pìcul Ron, al secónd ad sèt fiōi, al patìs la mòrt ad sò màdar ch'l'iva fat 'n incidènt in màchina. Dvintâ śōvan, al s diplòma a la New York High School for the Performing Arts faghénd pò al sò debùt a 'l cìnema c'n al film True Love dla Nancy Savoca girâ cun l'Annabella Sciorra.

In séguit al fà la part 'd un pulisiòt in Scent of a Woman - Profumo di donna, pelìcula cun Al Pacino e Chris O'Donnell. In dal 1995 al lavóra cun la Cameron Diaz in dla cumèdia négra indipendènta Una cena quasi perfetta in dua 'l fà la part 'd un liberal d'l Iowa ch'insém a di sò amìg al cópa òṅ adrē a c'l àtar di persunàǵ reasiunàri 'd dèstra invidâ a séna da lōr e ch'i n èṅ minga bòṅ ad dimustràr-as di sugèt demucràtic durànt i dascōrs a tavla.

'L an dòp 'l è la vòlta 'd Sleepers ad Barry Levinson mént'r in dal 1998 al gira 'l catastròfic Deep Impact insém a Robert Duvall e a la Vanessa Redgrave. Sèmp'r in di an Nuànta 'l è atìṿ anc in televiśiòṅ in dua 'l è prutagunìsta ad dū telefìlm cuma Svitati in divisa e E.R. - Medici in prima linea. Su 'l set al cgnós la Julianna Margulies ch'la dvènta la sò muróśa in alóra.

In dal 2002 al tōś part a 'l film ad scarésa Nave fantasma méntar 'l an dòp al rècita in La casa di sabbia e nebbia, pelìcula dramàtica cun la Jennifer Connelly e Ben Kingsley. In chi an lè al gira anc tréd'ś epiśòdi dal telefìlm Gli occhi della legge e òṅ ad Law & Order - Unità vittime speciali.

Filmugrafìa

1989 - True Love, regìa dla Nancy Savoca
1992 - Scent of a Woman - Profumo di donna (Scent of a Woman), regìa ad Martin Brest
1995 - Lui, lei, l'altro (Sex & the Other Man), regìa ad Karl Slovin
1995 - Una cena quasi perfetta (The Last Supper), regìa dla Stacy Title
1996 - Sleepers, regìa ad Barry Levinson
1996 - Bastard Out of Carolina, regìa dl'Anjelica Huston
1998 - Deep Impact, regìa dla Mimi Leder
1999 - The Runner, regìa ad Ron Moler
1999 - Mistery, Alaska, regìa ad Jay Roach
2001 - Black Hawk Down - Black Hawk abbattuto (Black Hawk Down), regìa ad Ridley Scott
2002 - Nave fantasma (Ghost Ship), regìa ad Steve Beck
2002 - Just a Kiss, regìa ad Fisher Stevens
2003 - La casa di sabbia e nebbia (House of Sand and Fog), regìa ad Vadim Perelman
2006 - Il colore del crimine (Freedomland), regìa ad Joe Roth
2006 - Diggers, regìa dla Katherine Dieckmann
2007 - Already Dead - La stanza della vendetta (Already Dead), regìa ad Joe Otting
2011 - Super 8, regìa ad J. J. Abrams
2013 - Jobs, regìa ad Joshua Michael Stern
2018 - Higher Power, regìa ad Matthew Charles Santoro

Culegamènt estéran

(EN) Filmugrafìa su IMDb

Àtar prugèt

Wikiquote contiene citazioni di o su Ron Eldard
Wikimedia Commons contiene file multimediali su Ron Eldard