Rompicapo a New York
|
C'l artìcul chè 'l è scrit in
Miranduléś |
 Casse-tête chinois | ||
| Rompicapo a New York | ||
 La de France, Duris, la Reilly e la Tautou in na figùra dal film | ||
| Sbragasarvèl a New York 2013 | ||
|---|---|---|
| Regìa: Cédric Klapisch | ||
| Scritōr: Cédric Klapisch | ||
| Atōr: Romain Duris • Cécile de France Sandrine Holt • Audrey Tautou • Kelly Reilly Dominique Besnehard • Flore Bonaventura Benoît Jacquot • Peter McRobbie • Jason Kravits Li Jun Li • Zinedine Soualem • Peter Hermann | ||
| Müsica: Christophe Minck | ||
| Léngua: Francéś • Spagnōl • Ingléś • Cinéś • Ebrèj | ||
| Dürä dal film: 117 minüt | ||
| Nasiōṅ: Frància • Stat Unî • Bélgi | ||
Rompicapo a New York (Sbragasarvèl a New York) l'è na cumèdia francéśa, bélga e americàna dal 2013 scrita e dirèta par Cédric Klapisch.
Al film, séguit ad L'appartamento spagnolo (2002) e 'd Bambole russe (2005), 'l à fat sù darsèt migliòṅ ad dòlar a 'l incìrca dòp ès'r-an custâ daśdòt e siē.
Sunt
[mudéfica la surzéia]Xavier (Romain Duris) 'l è 'n scritōr francéś ch'al gh'à dū fiōi cun na dóna ingléśa cgnusùda a Barcelóna soquànt an prima, la Wendy (Kelly Reilly). La relasiòṅ però la và in criśi, specialmènt da quànd chi lē l'à cgnusû 'n americàṅ ciamâ John (Peter Hermann), tacànd na stòria sèg. Quànd la Wendy la tōś la deciśiòṅ 'd andàr a star c'n al sò amànt a New York purtànd-as adrē i sò dū putèṅ, Xavier al decìd 'd andàr a star in di Stat Unî anc lò, par psēr-i védar da spés in dal méntar ch'al scriv un rumànś p'r al sò editōr (Dominique Besnehard).
Xavier a 'l inìsi al và a star da na sò amìga lèśbica, la bélga Isabelle (Cécile de France), ch'la s è cumpagnàda cun n'americàna dal pòst cun di urìgini cinéśi, la Ju (Sandrine Holt), pò al s trasferìs in dal vèć apartamènt dla Ju in dal quartēr ad Chinatown. In cal méntar, esénd ch'la còpia la vliva 'n putèṅ, 'l óm al dà 'l sò “cuntribùt” a l'Isabelle par n'inseminasiòṅ artifisiàla.
Armàgn'r in di Stat Unî p'r un furastēr 'l è dimóndi difìcil tant ch'l avucàt ad Xavier (Jason Kravits) al gh cunsìlia 'd spuśàr n'americàna. 'L óm al cata 'l acòrd cun na ragàsa cun di urìgini cinéśi ciamàda Nancy (Li Jun Li), anvōda 'd un tasìsta che lò 'l iva salvâ soquànt dè prima mént'r al s casutàva c'n un négar par strada. In cal mént'r a New York a riva par lavōr anc la sò muróśa dna vòlta, la Martine (Audrey Tautou), e i dū i finìs'n a lèt insém.
Quànd a nas la putìna dlʼIsabelle, chi lē la taca na relasiòṅ ad sès cun la babysitter ch'l'iva tòlt par tgnir-'g adrē, na ragàsa più śōvna ciamàda Isabelle anc lē (Flore Bonaventura). In cal méntar Xavier al gh'à da decìdar finalmènt cuś al vōl far dla sò vita in futûr, métar-'s incóra cun la Martine ch'l'è turnàda libra dòp avēr abû dū fiōi anc lē cun 'n àt'r óm?