Roger O'Donnell

C'l artìcul chè 'l è scrit in Miranduléś

«

I know that my world has grown old but it really doesn't matter if you say we'll be together, if you promise you'll be with me in the end.»

(EN)(And Nothing Is Forever, 2024)

«

A 'l sò ch'a 'l mè mónd 'l è dvintâ vèć ma a n è mia impurtànt dabòṅ s'at dì ch'a 'rmagnrém insém, s'ta m prumét ch'a la fiṅ a sarém insém.»

(MUD)

Roger O'Donnell (Lóndra, 29 ad Dicémbar dal 1955) 'l è 'n pianìsta e tasterìsta ingléś, mémbar di The Cure da la fiṅ di an Utànta cun di bûś in dal mèś, esénd in carga da 'l 1987 a 'l 1990, da 'l 1995 a 'l 2005 e pò incóra da 'l 2011 a vgnir a 'dès.

O'Donnell 'l à sèmpar scrit dla mùśica anc da par lò, sóta la sò etichéta 99timesoutof10, faghénd vgnir fóra di braṅ cuma Grey Clouds Red Sky, This Time e Another Year Away.

Biugrafìa

Carsû faghénd na scōla 'd art e scultànd Frank Zappa, Jimi Hendrix e Herbie Hancock, Roger al taca a lauràr in dal mónd dla mùśica insém a Arthur Brown par pò pasàr prima a sunàr da 'l viṿ c'n i Thompson Twins, da 'l 1983 a 'l 1986, e pò a far part di The Psychedelic Furs (1986–1987).

Dòp la registrasiòṅ ad Kiss Me Kiss Me Kiss Me al s unìs a i The Cure in dal 1987 par jutàr Lol Tolhurst durànt i cuncèrt dal Kissing Tour. In séguit al dà 'l sò cuntribùt a 'l àlbum dal 1989 Disintegration ma pò al lasa 'l grup par soquànt an. Al tórna a lauràr c'n i Cure in dal 1995 cun Wild Mood Swings.

In dal Setémbar dal 2024 al fà savēr 'd avēr-'g un brut càncar ma che “la mòrt 'l à busâ a la mè pòrta ma nuàt'r a n ém minga rispòst”.

Discugrafìa

Àlbum c'n i The Cure

Àlbum da par lò

1994 - Grey Clouds Red Sky
2005 - Grey Clouds Red Sky (re-packaging)
2006 - The Truth In Me
2006 - Half Truths (Remix) EP
2020 - 2 Ravens

Culegamènt estéran

(EN) La sò paśna su Discogs