Robert Duvall

C'l artìcul chè 'l è scrit in Miranduléś

Robert Selden Duvall (San Diego, 5 ad Śnar dal 1931, a s lèś [ˈrɒbərt duːˈvɔːl/] in ingléś) 'l è 'n atōr, senegiadōr, prudutōr e regìsta americàṅ. Al gh'à na stéla in dla Hollywood Walk of Fame e 'l è stâ premiâ cun quàtar Golden Globe e dū Emmy Award.

'L è stâ bòṅ ad vìns'r un Prèmi Òscar in dal 1984 par la sò interpretasiòṅ dal cantànt country Mac Sledge, puòs e su 'l viàł dal tramònt, in dal drama Tender Mercies - Un tenero ringraziamento.

'L è stâ candidâ a i Academy Award atri siē vòlti, in dal 1973 p'r Il padrino, film su la màfia 'd New York cun Al Pacino e Marlon Brando, in dal 1980 par la pelìcula 'd guèra cun Martin Sheen Apocalypse Now, in dal 1981 p'r al drama Il grande Santini, in dal 1998 par la pelìcula da lò scrita e giràda L'apostolo, in di pagn 'd un predicadōr religióś, in dal 1999 p'r al dramàtic A Civil Action, cun prutagunìsta John Travolta, e in dal 2015 par The Judge, in dla part dal pàd'r ad Robert Downey Jr..

In di an Sinquànta al s è diplumâ in stòria e pulìtica e pò al s è mis a lauràr a teàtar. In dal mèś 'l à anc fat la guèra 'd Curèa (1953 e 1954).

Duvall a 'l inìsi di an Ssanta 'l à tacâ na caréra 'd sucès a 'l cìnema e in televiśiòṅ, girànd di telefìlm cuma Alfred Hitchcock presenta, Gli intoccabili, Route 66, Ai confini della realtà, e Combat!.

Fra i sò dagnóra sènt-sinquànta lavōr fra cìnema e televiśiòṅ a psém arcurdàr al sò debùt in di pagn 'd un malâ 'd mènt in Il buio oltre la siepe (1962), cun prutagunìsta Gregory Peck, al film ad fantasiénsa Conto alla rovescia (1968), insém a James Caan, al pulisiésc Bullitt (1968), in còpia cun Steve McQueen, la cumèdia M*A*S*H (1970), a fiànc ad Donald Sutherland e 'd Elliott Gould, Quinto potere (1976), cun Peter Finch, la Faye Dunaway e William Holden, al drama La peste (1992), film trat da 'n rumànś 'd Albert Camus cun prutagunìsta William Hurt e la Sandrine Bonnaire, al thriller Un giorno di ordinaria follia (1993), in du 'l fà 'n sergînt ad pulisìa ch'al dâ la casa a cal ciucâ 'd Michael Douglas, al catastròfic Deep Impact (1998), al thriller cun Denzel Washington John Q (2002) e 'l western cun Kevin Costner Terra di confine - Open Range (2003).

Da sèmp'r un sustenidōr dal partî republicàṅ, esénd da la banda ad pulìtig cuma George W. Bush, Rudy Giuliani, John McCain e Mitt Romney, in dal 2014 'l à dichiarâ a 'l Daily Beast 'd èsar dvintâ 'n indipendènt, esénd al GOP dal dè 'd incō un “pastìs” a sò dita.

Filmugrafìa

cuma atōr

1960 - John Brown's Raid, regìa ad Sidney Lumet – Film TV
1962 - Il buio oltre la siepe (To Kill a Mockingbird), regìa ad Robert Mulligan
1963 - Capitan Newman (Captain Newman, M.D.), regìa ad David Miller
1965 - Sfida sotto il sole (Nightmare in the Sun), regìa ad John Derek e Marc Lawrence
1966 - La caccia (The Chase), regìa 'd Arthur Penn
1966 - Conoscete Ellen Bowen? (Fame Is the Name of the Game), regìa ad Stuart Rosenberg – Film TV
1967 - F.B.I. contro cosa nostra (Cosa Nostra, Arch Enemy of the FBI), regìa ad Don Medford – Film TV
1968 - Flesh and Blood, regìa 'd Arthur Penn – Film TV
1968 - Conto alla rovescia (Countdown), regìa ad Robert Altman
1968 - Inchiesta pericolosa (The Detective), regìa ad Gordon Douglas
1968 - Bullitt, regìa ad Peter Yates
1969 - Non torno a casa stasera (The Rain People), regìa ad Francis Ford Coppola
1969 - Il Grinta (True Grit), regìa 'd Henry Hathaway
1970 - M*A*S*H, regìa ad Robert Altman
1970 - Il rivoluzionario (The Revolutionary), regìa ad Paul Williams
1971 - L'uomo che fuggì dal futuro (THX 1138), regìa ad George Lucas
1971 - Io sono la legge (Lawman), regìa ad Michael Winner
1972 - Il padrino (The Godfather), regìa ad Francis Ford Coppola
1972 - Tomorrow, regìa ad Joseph Anthony
1972 - La banda di Jesse James (The Great Northfield Minnesota Raid), regìa ad Philip Kaufman
1972 - Joe Kidd, regìa ad John Sturges
1973 - I diamanti dell'ispettore Klute (Lady Ice), regìa ad Tom Gries
1973 - Agente 373 Police Connection (Badge 373), regìa 'd Howard W. Koch
1973 - Organizzazione crimini (The Outfit), regìa ad John Flynn
1974 - La conversazione (The Conversation), regìa ad Francis Ford Coppola
1974 - Il padrino - Parte II (The Godfather: Part II), regìa ad Francis Ford Coppola
1975 - 10 secondi per fuggire (Breakout), regìa ad Tom Gries
1975 - Killer Elite (The Killer Elite), regìa ad Sam Peckinpah
1975 - Sherlock Holmes - Soluzione settepercento (The Seven-Per-Cent Solution), regìa 'd Herbert Ross
1976 - Quinto potere (Network), regìa ad Sidney Lumet
1976 - La notte dell'aquila (The Eagle Has Landed), regìa ad John Sturges
1977 - Io sono il più grande (The Greatest), regìa ad Tom Gries e 'd Monte Hellman
1978 - Betsy (The Betsy), regìa ad Daniel Petrie
1978 - Terrore dallo spazio profondo (Invasion of the Body Snatchers), regìa ad Philip Kaufman
1979 - Apocalypse Now, regìa ad Francis Ford Coppola
1979 - Il grande Santini (The Great Santini), regìa ad Lewis John Carlino
1981 - L'assoluzione (True Confessions), regìa 'd Ulu Grosbard
1981 - Caccia implacabile (The Pursuit of D.B. Cooper), regìa ad Roger Spottiswoode
1983 - Cuore di campione regìa ad Ralph L. Thomas – Film TV
1983 - Tender Mercies - Un tenero ringraziamento (Tender Mercies), regìa ad Bruce Beresford
1984 - The Stone Boy, regìa ad Christopher Cain
1984 - Il migliore (The Natural), regìa ad Barry Levinson
1986 - Lightship - La nave faro (The Lightship), regìa ad Jerzy Skolimowski
1986 - Belizaire the Cajun, regìa ad Glen Pitre
1986 - Eroi per un amico (Let's Get Harry), regìa ad Stuart Rosenberg e 'd Alan Smithee
1987 - Hotel Colonial, regìa dla Cinzia TH Torrini
1988 - Colors - Colori di guerra (Colors), regìa ad Dennis Hopper
1990 - Il racconto dell'ancella (The Handmaid's Tale), regìa ad Volker Schlöndorff
1990 - Prova di forza (A Show of Force), regìa ad Bruno Barreto
1990 - Giorni di tuono (Days of Thunder), regìa ad Tony Scott
1990 - Rosa Scompiglio e i suoi amanti (Rambling Rose), regìa dla Martha Coolidge
1991 - Forzati (Convicts), regìa ad Peter Masterson
1991 - Viaggio all'inferno (Hearts of Darkness: A Filmmaker's Apocalypse), regìa ad George Hickenlooper – ducumentàri
1992 - Stalin, regìa 'd Ivan Passer – Film TV
1992 - Gli strilloni (Newsies), regìa ad Kenny Ortega
1992 - La peste, regìa ad Luis Puenzo
1993 - Un giorno di ordinaria follia (Falling Down), regìa ad Joel Schumacher
1993 - Geronimo (Geronimo: An American Legend), regìa ad Walter Hill
1993 - Ricordando Hemingway (Wrestling Ernest Hemingway), regìa ad Randa Haines
1994 - Cronisti d'assalto (The Paper), regìa ad Ron Howard
1995 - Qualcosa di cui... sparlare (Something to Talk About), regìa ad Lasse Hallström
1995 - Nel Texas cadevano le stelle (The Stars Fell on Henrietta), regìa ad James Keach
1995 - La lettera scarlatta (The Scarlet Letter), regìa ad Roland Joffé
1996 - L'uomo che catturò Eichmann (The Man Who Captured Eichmann), regìa ad William A. Graham – Film TV
1996 - Una questione di famiglia (A Family Thing), regìa ad Richard Pearce
1996 - Phenomenon, regìa ad Jon Turteltaub
1996 - Lama tagliente (Sling Blade), regìa ad Billy Bob Thornton
1997 - L'apostolo (The Apostle), regìa ad Robert Duvall
1998 - Conflitto di interessi (The Gingerbread Man), regìa ad Robert Altman
1998 - Deep Impact, regìa dla Mimi Leder
1998 - A Civil Action, regìa ad Steven Zaillian
2000 - Fuori in 60 secondi (Gone in Sixty Seconds), regìa ad Dominic Sena
2000 - Sfida per la vittoria (A Shot at Glory), regìa ad Michael Corrente
2000 - Il sesto giorno (The 6th Day), regìa ad Roger Spottiswoode
2002 - John Q, regìa ad Nick Cassavetes
2002 - Assassination Tango, regìa ad Robert Duvall
2003 - Gods and Generals, regìa ad Ronald F. Maxwell
2003 - Terra di confine - Open Range (Open Range), regìa ad Kevin Costner
2003 - Secondhand Lions, regìa ad Tim McCanlies
2005 - Derby in famiglia (Kicking & Screaming), regìa ad Jesse Dylan
2005 - Thank You for Smoking, regìa ad Jason Reitman
2007 - Le regole del gioco (Lucky You), regìa ad Curtis Hanson
2007 - I padroni della notte (We Own the Night), regìa ad James Gray
2008 - Tutti insieme inevitabilmente (Four Christmases), regìa ad Seth Gordon
2009 - The Road, regìa ad John Hillcoat
2009 - The Funeral Party (Get Low), regìa 'd Aaron Schneider
2009 - Crazy Heart, regìa ad Scott Cooper
2011 - Seven Days in Utopia, regìa ad Matt Russell
2012 - Hemingway & Gellhorn, regìa ad Philip Kaufman – Film TV
2012 - Jayne Mansfield's Car - L'ultimo desiderio (Jayne Mansfield's Car), regìa ad Billy Bob Thornton
2012 - Jack Reacher - La prova decisiva (Jack Reacher), regìa ad Christopher McQuarrie
2013 - A Night in Old Mexico, regìa 'd Emilio Aragón
2014 - The Judge, regìa ad David Dobkin
2015 - Cavalli selvaggi (Wild Horses), regìa ad Robert Duvall
2016 - In Dubious Battle - Il coraggio degli ultimi (In Dubious Battle), regìa ad James Franco
2018 - Widows - Eredità criminale (Widows), regìa ad Steve McQueen
2021 - Una squadra di 12 orfani (12 Mighty Orphans), regìa ad Ty Roberts
2022 - Hustle, regìa ad Jeremiah Zagar
2022 - The Pale Blue Eye - I delitti di West Point (The Pale Blue Eye), regìa ad Scott Cooper

cuma regìsta

1977 - We're Not the Jet Set – ducumentàri
1983 - Angelo, amore mio (Angelo, My Love)
1997 - L'apostolo (The Apostle)
2002 - Assassination Tango (2002)
2015 - Cavalli selvaggi (Wild Horses)

Culegamènt estéran

Àtar prugèt

Wikiquote contiene citazioni di o su Robert Duvall
Wikimedia Commons contiene file multimediali su Robert Duvall