Rob Reiner

C'l artìcul chè 'l è scrit in Miranduléś

Robert Norman Reiner, cgnusû méj cuma Rob Reiner (New York, 18 6 ad Mars dal 1947 - Los Angeles, 14 ad Dicémbar dal 2025, a s lèś [rɒb ˈraɪnər] in ingléś) 'l è stâ 'n regista, senegiadōr, atōr, còmig e prudutōr americàṅ, candidâ a 'l Prèmi Òscar in dal 1993 par la regìa dal film Codice d'onore, drama cun Tom Cruise, Jack Nicholson, la Demi Moore, Kevin Bacon e Kiefer Sutherland. 'L è anc stâ numinâ par nóṿ vòlti a i Golden Globe, sénsa mai purtàr a cà gnint. Al gh'à na stéla in dla Hollywood Walk of Fame.

Fiōl dal regìsta Carl Reiner e dl'atōra Estelle Lebost, Reiner al s è fat cgnósar in tut al mónd p'r avēr dirèt Billy Crystal e la Meg Ryan in dla cumèdia Harry, ti presento Sally... (1989) e p'r avēr girâ la pelìcula 'd scarésa trata da 'n rumànś ad Stephen King Misery non deve morire cun la prutagunìsta Kathy Bates ch'l'à vins 'n Academy Award e 'n Golden Globe.

Fra i sò àtar film a 'rcurdém anc al drama Stand by Me - Ricordo di un'estate (1986), cun River Phoenix e Kiefer Sutherland, 'l aventuróś La storia fantastica (1987), la cumèdia sentimentàla Alex & Emma (2003), cun Luke Wilson e la Kate Hudson, e Vizi di famiglia (2005), pelìcula cun la Jennifer Aniston, Kevin Costner, la Shirley MacLaine e Mark Ruffalo.

Cuma atōr a 'l ém vist in dal cumèdi Cartoline dall'inferno (1990), insém a la Meryl Streep, la Shirley MacLaine, Dennis Quaid e Gene Hackman, Pallottole su Broadway ad Woody Allen (1994), cun John Cusack e la Jennifer Tilly, EdTV (1999), a fiànc ad Matthew McConaughey, Martin Landau e l'Ellen DeGeneres, e La dea del successo (1999) cun la Sharon Stone e l'Andie MacDowell.

Rob 'l à tòlt anc part a soquànt telefìlm cuma Arcibaldo (par sènt-utantàtri puntàdi), New Girl e The Bear.

Da sèmpar da la banda di demucràtic, Rob 'l éra 'n ebrèj uriginàri dal Bronx. In dal 1964 al s è laureâ a la High School ad Beverly Hills. Insém a sò mujēr Michelle Singer 'l è stâ catâ mòrt in dla sò cà in dal quartēr ad Brentwood a Los Angeles, tut dū cupâ a scurtlàdi. Al gh'iva stant'òt an. P'r al masamènt 'l è stâ farmâ sò fiōl, Nick.

Filmugrafìa

cuma regìsta

1984 - This Is Spinal Tap (1984)
1985 - Sacco a pelo a tre piazze (The Sure Thing) (1985)
1986 - Stand by Me - Ricordo di un'estate (Stand by Me) (1986)
1987 - La storia fantastica (The Princess Bride) (1987)
1989 - Harry, ti presento Sally... (When Harry Met Sally...) (1989)
1990 - Misery non deve morire (Misery) (1990)
1992 - Codice d'onore (A Few Good Men) (1992)
1994 - Genitori cercasi (North) (1994)
1995 - Il presidente - Una storia d'amore (The American President) (1995)
1996 - L'agguato - Ghosts from the Past (Ghosts of Mississippi) (1996)
1999 - Storia di noi due (The Story of Us) (1999)
2003 - Alex & Emma (2003)
2004 - Everyday Life – film TV (2004)
2005 - Vizi di famiglia (Rumor Has It...) (2005)
2007 - Non è mai troppo tardi (The Bucket List) (2007)
2010 - Il primo amore non si scorda mai (Flipped) (2010)
2012 - The Magic of Belle Isle (anche The Third Act) (2012)
2014 - Mai così vicini (And So It Goes) (2014)
2015 - Being Charlie (2015)
2016 - LBJ (2016)
2017 - Attacco alla verità - Shock and Awe (Shock and Awe) (2017)
2025 - Spinal Tap II: La fine è solo l'inizio (Spinal Tap II: The End Continues) (2025)

cuma atōr

1970 - Senza un filo di classe (Where's Poppa?), regìa ad Carl Reiner
1977 - Quella pazza famiglia Fikus (Fire Sale), regìa 'd Alan Arkin
1990 - Cartoline dall'inferno (Postcards from the Edge), regìa ad Mike Nichols
1990 - I visitatori del sabato sera (The Spirit of '76), regìa ad Lucas Reiner
1993 - Insonnia d'amore (Sleepless in Seattle), regìa dla Nora Ephron
1994 - Pallottole su Broadway (Bullets Over Broadway), regìa ad Woody Allen
1994 - Agenzia salvagente (Mixed Nuts), regìa dla Nora Ephron
1996 - Il tempo dei cani pazzi (Mad Dog Time), regìa ad Larry Bishop
1999 - EdTV, regìa ad Ron Howard
1999 - Storia di noi due (The Story of Us), regìa ad Rob Reiner
1999 - La dea del successo (The Muse), regìa 'd Albert Brooks
2013 - The Wolf of Wall Street, regìa ad Martin Scorsese
2014 - Mai così vicini, regìa ad Rob Reiner
2017 - Attacco alla verità - Shock and Awe (Shock and Awe), regìa ad Rob Reiner
2017 - Sandy Wexler (Sandy Waxler), regìa ad Steven Brill

Culegamènt estéran

(IT) La sò schéda in s'l IMDb

Àtar prugèt

Wikiquote contiene citazioni di o su Rob Reiner
Wikimedia Commons contiene file multimediali su Rob Reiner