Rob Lowe

C'l artìcul chè 'l è scrit in Miranduléś

James Byron Dean, cgnusû méj cuma Rob Lowe (Charlottesville, 17 ad Mars dal 1964, a s lèś [rɒb loʊ] in ingléś), 'l è 'n atōr americàṅ. Al gh'à na stéla in dla Hollywood Walk of Fame.

Biugrafìa

Rob al nas da na famìja dla Virgìgna, sò pàd'r al fava 'l avucàt méntar sò màdar l'insgnànta. Da śōv'n al stùddia a la Santa Monica High School.

'L eśurdìs cuma atōr da ragàs in dla série televiśìva A New Kind of Family (1979-1980). In dal 1983 al vîṅ numinâ a i Golden Globe p'r al film TV Thursday's Child e pò al gira dū film impurtànt cuma I ragazzi della 56ª strada, in du 'l fà la part ad Sodapop a fiànc ad Matt Dillon, Patrick Swayze, Emilio Estevez e Tom Cruise, e Class, cumèdia cun la Jacqueline Bisset e la Virginia Madsen.

In di an Utànta al cata 'l sucès recitànd in pelìculi cuma St. Elmo's Fire (1985), giràda insém a la Demi Moore e a Judd Nelson, la cumèdia sentimentàla cun James Belushi A proposito della notte scorsa... (1986), al drama cun la Winona Ryder Square Dance - Ritorno a casa (1987), ch'la gh fruta na candidadùra a i Golden Globe, e 'l thriller Masquerade, in còpia cun la Meg Tilly.

A cal punt lè, cun la sò caréra ch'l'iva ciapâ 'l vōl, Rob 'l è però spasâ via da 'n scàndal parchè a salta fóra 'n sex tape girâ a Atlànta in du a s véd lò far sès cun dó dóni, una 'd séd'ś an (quànd in alóra i an mìnim p'r al cunsèns i éran quatórdas in Geòrgia), pròpria la sira prima ch'al gh'iva da tōr part a la convention dal partî demucràtic par dar al sò apòǵ a 'l èx guvernadōr dal Massachusetts Michael Dukakis in dla cursa par dvintàr presidènt di Stat Unî, pò pardùda cóntar George H. W. Bush.

In dal 1990 al rècita insém a James Spader in dal thriller Cattive compagnie ad Curtis Hanson ma pò al fà fadìga a purtàr avànti la caréra c'n al telèfun ch'l armàgn da spés mut. In dal cōrs di an Nuànta al gh'à acsè d'adatàr-'s a lauràr in prudusiòṅ più cichi o a far dal part pìculi in film impurtànt cuma in dal 1997 cun Contact, cun prutagunìsta la Jodie Foster, e in dal 1999 c'n al còmig Austin Powers - La spia che ci provava cun Mike Myers.

In dal 2000 faghénd la part ad Sam Seaborn in dal telefìlm West Wing - Tutti gli uomini del Presidente al tórna a far-as nutàr. Al cuntìnua a lauràr in televiśiòṅ recitànd in dla série Brothers & Sisters - Segreti di famiglia in di pagn dal senadōr Robert McCallister e pò incóra in Parks and Recreation faghénd 'l agìnt salutìsta dal guèran Chris Traeger e in 9-1-1: Lone Star c'n al rōl dal vìgil dal fōg Owen Strand.

Fra i sò ùltim film a 'rcurdém al cumèdi Thank You for Smoking (2005) e Sex Tape - Finiti in rete (2014), cun la Cameron Diaz, e 'l drama Dog Gone - Lo straordinario viaggio di Gonker (2023) in di pagn 'd un pàd'r ad famìja ch'al pésca 'l sò caṅ sparî su i mònt Apalâc.

Da 'l 1991 l'è spuśâ cun la Sheryl Berkoff, ch'la gh'à dâ dū fiōi.

Filmugrafìa

1983 - Thursday's Child, regìa ad David Lowell Rich - Film TV
1983 - Class, regìa ad Lewis John Carlino
1983 - I ragazzi della 56ª strada (The Outsiders), regìa ad Francis Ford Coppola
1984 - Hotel New Hampshire (The Hotel New Hampshire), regìa ad Tony Richardson
1984 - Oxford University (Oxford Blues), regìa ad Robert Boris
1985 - St. Elmo's Fire, regìa ad Joel Schumacher
1986 - Spalle larghe (Youngblood), regìa ad Peter Markle
1986 - A proposito della notte scorsa... (About Last Night...), regìa 'd Edward Zwick
1987 - Square Dance - Ritorno a casa (Square Dance), regìa ad Daniel Petrie
1988 - Illegalmente tuo (Illegally Yours), regìa ad Peter Bogdanovich
1988 - Masquerade, regìa ad Bob Swaim
1990 - Cattive compagnie (Bad Influence), regìa ad Curtis Hanson
1990 - La scarpetta incantata (If the Shoe Fits), regìa ad Tom Clegg - Film TV
1991 - Navy Seals: giovani eroi (The Finest Hour), regìa ad Shimon Dotan
1992 - Fusi di testa (Wayne's World), regìa dla Penelope Spheeris
1995 - Tommy Boy, regìa ad Peter Segal
1995 - Omicidio di primo grado (First Degree), regìa ad Jeff Woolnough
1995 - Frank e Jesse (Frank & Jesse), regìa ad Robert Boris
1996 - Scomodi omicidi (Mulholland Falls), regìa ad Lee Tamahori
1997 - Austin Powers - Il controspione (Austin Powers: International Man of Mystery), regìa ad Jay Roach
1997 - L'ombra del nemico (Living in Peril), regìa ad Jack Ersgard
1997 - Accerchiati (Hostile Intent), regìa ad Jonathan Heap
1997 - Contact, regìa ad Robert Zemeckis
1997 - Rischioso inganno (For Hire), regìa ad Jean Pellerin
1998 - Vite violate (Outrage), regìa ad Robert Allan Ackerman – Film TV
1999 - Austin Powers - La spia che ci provava (Austin Powers: The Spy Who Shagged Me), regìa ad Jay Roach
2001 - Proximity - Doppia fuga (Proximity), regìa ad Scott Ziehl
2001 - La fuggitiva (Jane Doe), regìa ad Kevin Elders – Film TV
2002 - Framed - La trappola (Framed), regìa ad Daniel Petrie Jr. – Film TV
2002 - Austin Powers in Goldmember, regìa ad Jay Roach
2003 - Una hostess tra le nuvole (View from the Top), regìa ad Bruno Barreto
2004 - Jiminy Glick in Lalawood, regìa ad Vadim Jean
2004 - Perfect Strangers - Tutti i numeri dell'amore (Perfect Strangers), regìa ad Robin Shepperd – Film TV
2005 - Thank You for Smoking, regìa ad Jason Reitman
2006 - Un giorno perfetto (A Perfect Day), regìa ad Peter Levin – Film TV
2009 - Il caso Jennifer Corbin (Too Late to Say Goodbye), regìa dla Norma Bailey – Film TV
2009 - Il primo dei bugiardi (The Invention of Lying), regìa ad Ricky Gervais e 'd Matthew Robinson
2011 - I Melt with You, regìa ad Mark Pellington
2011 - Breakaway, regìa ad Robert Lieberman
2012 - Volano coltelli (Knife Fight), regìa ad Bill Guttentag
2012 - Drew Peterson: l'amore fa impazzire (Drew Peterson: Untouchable), regìa ad Mikael Salomon – Film TV
2013 - Killing Kennedy, regìa ad Nelson McCormick - Film TV
2013 - Dietro i candelabri (Behind the Candelabra), regìa ad Steven Soderbergh – Film TV
2014 - Sex Tape - Finiti in rete (Sex Tape), regìa ad Jake Kasdan
2014 - The Interview, regìa 'd Evan Goldberg e 'd Seth Rogen
2015 - Il caso Novack (Beautiful & Twisted), regìa ad Christopher Zalla – Film TV
2017 - Monster Trucks, regìa ad Chris Wedge
2017 - How to be a latin lover, regìa ad Ken Marino
2018 - Super Troopers 2, regìa ad Jay Chandrasekhar
2018 - The Bad Seed, regìa ad Rob Lowe – Film TV
2019 - Un safari per Natale, (Holiday in the Wild), regìa 'd Ernie Barbarash
2023 - Dog Gone - Lo straordinario viaggio di Gonker, regìa ad Stephen Herek

Culegamènt estéran

(IT) Filmugrafìa in s'l IMDb

Àtar prugèt

Wikiquote contiene citazioni di o su Rob Lowe
Wikimedia Commons contiene file multimediali su Rob Lowe