Ritorno al lago maledetto
|
C'l artìcul chè 'l è scrit in
Miranduléś |
 Return to Cabin by the Lake | ||
| Ritorno al lago maledetto | ||
 Nelson e la McClure in na figùra dal film | ||
| Ritór'n a 'l lâg maladî 2001 | ||
|---|---|---|
| Regìa: Po-Chih Leong | ||
| Scritōr: Lynda La Plante • Daniel Petrie Jr. | ||
| Atōr: Judd Nelson • Brian Krause • Dahlia Salem Andrew Moxham • JR Bourne • Kandyse McClure Claudette Mink • Will Sanderson • Natasha Wilson Aaron Trainor • Daniella Evangelista • Glenn Ennis | ||
| Müsica: Frankie Blu | ||
| Léngua: Ingléś | ||
| Dürä dal film: 89 minüt | ||
| Nasiōṅ: Stat Unî • Cànada | ||
Ritorno al lago maledetto (Ritór'n a 'l lâg maladî) 'l è 'n thriller americàṅ e canadéś par la televiśiòṅ dal 2001 ad Po-Chih Leong, séguit ad Cabin by the Lake d'l an prima.
'L è stâ girâ a Vancouver, in dla pruìnsa canadéśa dla Culùmbia Britànica.
Sunt
[mudéfica la surzéia]Al regìsta Mike Helton (Brian Krause) 'l è drē a giràr un film ad scarésa ciamâ Caśòt su 'l lâg ch'al vrév cuntàr al vicéndi sucèsi dabòṅ ad soquànt masamènt fat dū an prima da Stanley Caldwell (Judd Nelson), 'n óm ch'al masàva dal dóni andgànd-li in dal sò giardèṅ. Paul Parsons (Andrew Moxham), al fradèl 'd una dgl'ultmi vitmi, la Kimberley (Daniella Evangelista), 'l è dal tut cuntràri a la pelìcula e 'l tōś part a dal manifestasiòṅ ad prutèsta.
Tut i crédan che Stanley al sia mòrt ma a n è mia acsè. Chi lò al vōl métar bèc su la senegiadùra dla pelìcula dòp che la sua, ch'l à fat avēr a la prudusiòṅ cuntànd 'd ès'r un vèć amìg dal sasèṅ che dònca 'l al cgnusìva bèṅ, l'è stada scartàda da l'agìnta Lauren Majors (Claudette Mink) ch'l'iva in cal méntar dâ 'l incàr'g a na sèrta Alison Gaddis (Dahlia Salem), espèrta dal caś. Par far-al, Stanley al masa in dal lâg darènt a cà sua prima l'agìnta e pò JC Reddick (JR Bourne), anvōd dal prudutōr ch'al gh'iva da rivàr su 'l set par far 'l asistènt a la regìa. Tulénd al sò pòst, Stanley al s fà amìg cun lʼAlison e 'l taca a lauràr a fiànc ad Mike, un regìsta ch'al s gusa gl'atōri prutagunìsta dal film, dó galìni ambisióśi ciamàdi Jade (Kandyse McClure) e Elizabeth (Natasha Wilson).
Dòp avēr drugâ e mis in na casa da mòrt al regìsta par saplìr-al viṿ, Stanley al tōś al sò pòst su 'l set, pò al sèra in dla sò cantìna, ligànd-la a na cadéna, lʼAlison, dgénd a tut ch'l'éra andàda via. Paul, ch'l'iva dascōrs cun la ragàsa la sira prima, al naśa ch'a gh'è quèl ch'a traśa.