Riders
|
C'l artìcul chè 'l è scrit in
Miranduléś |
 Hochelaga | ||
| Riders | ||
 Deano Clavet in na figùra dal film | ||
| Motaciclìsta 2000 | ||
|---|---|---|
| Regìa: Michel Jetté | ||
| Scritōr: Michel Jetté | ||
| Atōr: Dominic Darceuil • Jean-Nicolas Verreaultl David Boutin • Michèle Péloquin • Deano Clavet Claudia Hurtubise • Patrick Peuvion • Paul Dion Michel Charette • Ronald Houle • André Lacoste | ||
| Müsica: Gilles Grégoire | ||
| Léngua: Ingléś | ||
| Dürä dal film: 130 minüt | ||
| Nasiōṅ: Cànada | ||
Riders (Motaciclìsta) 'l è 'n film dramàtic canadéś dal 2000 scrit e dirèt par Michel Jetté, inspirâ a la Quebec Biker War, la guèra ch'a gh'è stada in Quebec fra dó bandi rivàli 'd motaciclìsta da 'l 1994 a 'l 2002 ch'l'à fat sù 162 mòrt masâ, cun dèntar anc dla gint ch'la n gh intràva gnint.
La pelìcula l'à fat sù dagnóra quatarsènt-mila dòlar 'd incàs e l'è dedicàda a la memòria 'd Patrick Peuvion, atōr francéś ch'l è mòrt durànt la prudusiòṅ dal film.
Sunt
[mudéfica la surzéia]Mark (Dominic Darceuil) 'l è 'n śōvan cun di prubléma ch'al viṿ a Montreal insém a sò màdar (Michèle Péloquin) e a sò surèla (Catherine Vidal), arvèrsa cuma lò. Al ragàs 'l è sòlit far al delinquènt in sità insém a i sò amìg Eric Beaupré dit Nose (Jean-Nicolas Verreault) e a Bof (Michel Charette). Un dè un mémbar dla band di motaciclìsta di Dark Souls, Finger (David Boutin), al gh śibìs di bèsi par scarusàr soquànti dóni a òṅ di sò incónt'r in campàggna.
Mark al gh astà e là al cgnós di àtar mémbar di Dark Souls, ch'i èṅ cmandâ da 'n sèrt Tatou (Deano Clavet), cuma la barìsta Coco (Claudia Hurtubise), ch'la taca na relasiòṅ ad sès sèg, al pès grôs, in tut i sèns, Massif (Ronald Houle) e Frais-Chié (Patrick Peuvion). In dal camp al grup al dà na lesiòṅ a i rivài di L.S. Riders ch'i s éran parmìs ad farmàr-as lè. Frais-Chié al fà tiràr fóra di bastòṅ a i suo ch'i tàc'n a dar adòs a i nemìg, cavànd-ag via i giubòt a tut, anc a 'l sò cap (Pierre Rivard).
A Mark a gh vîṅ śibî ad far part dal grup e lò al astà, ma prima al gh'à da mustràr 'd èsar bòṅ. Insém a Finger al fà 'n cōlp, rubànd da 'n furgòṅ, e pò 'l al juta a cupàr Stash (André Lacoste), mémbar 'd un grup rivàł ch'al s éra arvultâ a Tatou. Adès Massif al vōl che Mark al faga fóra Snake (André Doucet), al cap di Devil's Soldier, da sèmpar nemìg di Dark Souls.
Al ragàs 'l è in criśi parchè al n éra minga qvésta chè la vita ch'al vliva far. 'N amìg ad sò màdar ciamâ Popeye (Paul Dion), un rider ch'in pasâ 'l iva cumbatû i Dark Souls, al gh cònta qvél ch'a sucéd quànd a s fà part ad chi grup lè ad motaciclìsta: a s è sōl dal bèsti da masèl, a s gh'à paùra ma a gh'è da taśēr. Ma par Mark tiràr-'s indrē a n è piò pusìbil.