Richmond (Virgìgna)

C'l artìcul chè 'l è scrit in Miranduléś

Richmond (a s lèś [ˈɹɪtʃ.mənd][ in ingléś) l'è na sità di Stat Unî ch'la s cata in dal Commonwealth dla Virgìgna esénd anc la sò capitàł. Tiràda sù in dal 1742, l'è dvintàda indipendènta in dal 1871. La s cata su sèt muntagnóli: Union Hill, Church Hill, Council Hill, Shockoe Hill, Gambles Hill, Navy Hill e Oregon Hill. L'è divìśa in quarànta-sinc distrét.

La mùcia sù duśènt-vintmìla abitànt, al quàrt sèntar più grand dal stat, par na superfìsi ad 162 km². La n fà part ad gnanc na cuntèa esénd lē indipendènta e 'l sò clima 'l è subtrupicàł ùmid.

Durànt la Guèra 'd secesiòṅ americàna l'è stada la capitàl dla cunfederasiòṅ di stat Dixie dal sud.

La sò ecunumìa la pōl cuntàr su i servìsi finansiàri e su soquànti agensìi dal guèran federàł ma anc su studi legài. Al mòt in latìn 'l è Sic Itur Ad Astra (Acsè a rivém a 'l stéli). 'L è cgnusùda cuma “La sità dal fiùm” esénd che lè a gh pasa 'l fium James.

Tgnéd adrē a 'l censimènt dal 2020, i sò abitànt i èṅ biànc p'r al 42.02%, négar p'r al 39.93% (ma i ér'n al 56.86% in dal dumìla), aśiàtic p'r al 2.74% e ispànig p'r al 10.48%.

In di an Utànta, Nuànta e Dumìla l'éra na sità dimóndi periculóśa par via dal nùm'r élt ad masamènt. In dal 2016 al 24,8% di sò abitànt i éran pòvar.

Al sò sìndig, da 'l 2015, 'l è al demuctàtic Danny Avula ch'al gh'à di urìgini indiàni. La sità l'è dimóndi da la part di demucràtic tant ch'in di elesiòṅ presidensiàli americàni dal 2020 Joe Biden 'l à ciapâ chè 'l 82,92% di vōt cónt'r al 14,94% ad Donald Trump. L'ultma vòlta ch'un candidâ republicàṅ 'l à vins a Richmond 'l è stâ in dal 1972 cun Richard Nixon.

Persunàǵ ligâ a Richmond

Warren Beatty, atōr
Shirley MacLaine, atōra
John Campbell, basìsta dal grup Lamb of God
D'Angelo, cantànt
Joe Edwards, astrunàuta
Meghann Shaughnessy, tenìsta

Culegamènt estéran

Àtar prugèt

Wikimedia Commons contiene file multimediali su Richmond (Virgìgna)