Ricco e strano
|
C'l artìcul chè 'l è scrit in
Miranduléś |
 Rich and Strange | ||
| Ricco e strano | ||
 Henry Kendall e la Joan Barry in na figùra dal film | ||
| Ric e strâṅ 1931 | ||
|---|---|---|
| Regìa: Alfred Hitchcock | ||
| Scritōr: Dale Collins • Alfred Hitchcock Alma Reville • Val Valentine | ||
| Atōr: Henry Kendall • Joan Barry • Betty Amann Percy Marmont • Elsie Randolph • Arty Ash Aubrey Dexter • Hannah Jones • Bill Shine | ||
| Müsica: Hal Dolphe | ||
| Léngua: Ingléś | ||
| Dürä dal film: 110 minüt | ||
| Nasiōṅ: Régn Unî | ||
Ricco e strano (Ric e strâṅ), cgnusû anc cuma Ricco e bizzarro, 'l è 'n drama rumàntic dal 1931 'd Alfred Hitchcock.
Al n gh'à minga abû sucès anc se p'r Hichcock qvést chè 'l è 'l sò film più bèl dal “perìud ingléś”.
Sunt
Fred Hill (Henry Kendall) 'l è 'n impiegâ lundinéś minga tant cuntènt dla sò vita, sèmpar cumpàggna. 'L è spuśâ cun na raśdóra ciamàda Emily (Joan Barry) ch'la 'l spéta a cà tut al siri. Un dè al ròbi i pàran càmbian quànd un sîṅ d'l óm al decìd ad ślungàr-ag prima i bèsi ch'i gh sarévan rivâ in séguit cun l'eredità.
I dū i decìd'n an partìr par na cruśéra in gir p'r al mónd, tacànd da Parì e Marsìglia par pò navigàr vèrs al Mèdi Uriènt. Durànt al viàś lʼEmily la cgnós al capitàṅ Gordon (Percy Marmont), un galantóm premuróś ch'al taca a far-ag la cōrt. Da 'l cant suo Fred al s fà amìg cun na dóna ch'la diś 'd èsar na prinsipésa tedésca (Betty Amann).
Rivâ a Clómb in Sri Lanka Gordon al śibìs a lʼEmily ad mulàr sò marè e 'd andàr via insém ma la dóna la n gh'à minga 'l curàǵ. Fred invéci 'l è prònt a scapàr via cun la prinsipésa a la vòlta dla Birmàgna. Quànd lʼEmily la 'l vîṅ a savēr la gh in diś ad tut i culōr ma pò 'l óm al capìs ch'l è tut 'n imbròj, che la dóna la gh'à ciulâ di bèsi e ch'la n è minga na nòbila ma la fiōla dna bugadàra 'd Berlîṅ c'n al visi ad fargàr chi óm infnuciànd-i.
La cruśéra l'è finìda e la còpia l'à dagnóra finî i bèsi. Quànd i ciàpan na nâṿ da spéndar pôc par turnàr indrē, al mèś al nàufraga pur.