Ricatto (film 1929)
|
C'l artìcul chè 'l è scrit in
Miranduléś |
 Blackmail | ||
| Ricatto | ||
.png) L'Anny Ondra in na figùra dal film | ||
| Ricàt 1929 | ||
|---|---|---|
| Regìa: Alfred Hitchcock | ||
| Scritōr: Charles Bennett • Alfred Hitchcock Benn W. Levy • Michael Powell | ||
| Atōr: Anny Ondra • Sara Allgood • John Longden Charles Paton • Donald Calthrop • Cyril Ritchard Hannah Jones • Harvey Braban • Phyllis Konstam | ||
| Müsica: Reginald Connelly Jimmy Campbell • Hubert Bath | ||
| Léngua: Ingléś | ||
| Dürä dal film: 85 minüt | ||
| Nasiōṅ: Régn Unî | ||
Ricatto (Ricàt) 'l è 'n thriller in biànc e négar britànic dal 1929 'd Alfred Hitchcock, al sò prim film sunôr.
Sunt
Al pulisiòt ad Scotland Yard Frank Webber (John Longden), dòp na giurnàda pēśa 'd lavōr, al gh'à apuntamènt a 'l risturànt cun la sò muróśa Alice White (Anny Ondra) ma 'l riva in ritàrt faghénd-la incasàr. Chi lē la fà dal stòri quànd 'l óm al gh śibìs 'd andàr a 'l cìnema insém, pò la s quistióna sèg. Frank, piutòst arliâ, al decìd 'd andàr fóra da 'l lucàl par pò védar lʼAlice andàr via cun 'n àt'r óm (Cyril Ritchard) ch'al fà 'l pitōr e ch'al l'à invidàda in dal sò studi.
'L óm al gh sòna quèl a 'l piàṅ pò al gh fà védar di sò quàdar, in òṅ a s véd un pajàs cun na ridùda catìva. La ragàsa la s mét adòs un vistî da balarìna e 'l óm al decìd ad far-'g un ritràt ma pò al gh salta adòs par viulentàr-la. La dóna la taca a sigàr e la fà in tèmp a ciapàr un curtlàs par masàr-al. Subìt dòp la lasa 'l palàs ma a gh'è qualchidòṅ ch'l à vist incòsa.
Quànd al dè dòp la padróna 'd cà (Hannah Jones) la cata 'l cadàvar, a riva la pulisìa e Webber 'l arcgnós in d'l óm mòrt al tisi misterióś ch'l éra andâ via da 'l risturànt cun la sò muróśa la sira prima. In d'l apartamènt al cata anc un guànt dlʼAlice e 'l capìs tut. Frank al vōl dal spiegasiòṅ da part dla sò muróśa ma pò a s fà avànti un sèrt Tracy (Donald Calthrop) ch'al taca a ricatàr la dóna, faghénd-'g inténdar ch'al sà cuś l'è sucès e in maṅ al gh'à anc c'l àtar sò guànt.