Requiem per l'assassino
|
C'l artìcul chè 'l è scrit in
Miranduléś |
 Requiem for Murder | ||
| Requiem per l'assassino | ||
 La Molly Ringwald in na figùra dal film | ||
| Requiem p'r al sasèṅ 1999 | ||
|---|---|---|
| Regìa: Douglas Jackson | ||
| Scritōr: Matt Dorff | ||
| Atōr: Molly Ringwald • Christopher Heyerdahl Lynne Adams • Alan Fawcett • Edward Yankie Chris Mulkey • Charles Edwin Powell • Goûchy Boy Edward Yankie • Ellen David • Jayne Heitmeyer | ||
| Müsica: François Arbour • Danny Kirsic | ||
| Léngua: Ingléś | ||
| Dürä dal film: 95 minüt | ||
| Nasiōṅ: Cànada | ||
Requiem per l'assassino (Requiem p'r al sasèṅ), cgnusû in Itàglia anc cuma Requiem per un omicidio, 'l è 'n thriller canadéś dal 1999 ad Douglas Jackson.
Sunt
[mudéfica la surzéia]LʼAnne Winslow (Molly Ringwald) la gh'à 'n prugràma in na ràddio 'd Filadèlfia ch'la traśmét cun sucès dla mùśìca clàsica tut al siri, in fiṅ a mèśanòt. La lavóra insém a la respunsàbila Ellen David (Andrea Farquar), a 'l tècnig dal sòṅ Ed Fairbanks (Edward Yankie) e a 'l sò culéga speaker James Clouder (Charles Edwin Powell) ch'al riva da spés in ritàrd quànd al gh'à da dar-'g al cambi e ch'al s è inamurâ 'd lē in segrét.
Na sira, méntar lē l'è in ónda, a vîṅ masàda na śōvna, la Sylvia Tracy (Jayne Heitmeyer), mént'r in cà sua l'éra a séna c'n un tisi misterióś ch'al gh'iva śibî un bicér ad vèṅ rós francéś cun dèntar dal vlèṅ. I detective Lou Heinz (Christopher Heyerdahl) e la Samantha Parks (Lynne Adams) i tàc'n a indagàr e i vìn'n a savēr che la dóna na vòlta l'iva tòlt al pòst dla Winslow in dla traśmisiòṅ. I vìnan masâ in na manéra cumpàgna anc un crìtic e lʼAmy Blue (Gregoriane Minot Payeur), na DJ sò rivàla ch'la fava na traśmisiòṅ cuncurènta.
L'è dònca ciàra ch'i masamènt i sìan ligâ a la figùra dlʼAnne anc parchè tut al vòlti ch'a sucéd un delìt, lē la ricév dal róśi rósi, cumpràdi sèmpar da 'n vendidōr ad fiōr fnòć (Goûchy Boy). In cal méntar chi lē la và a séna c'n un cumpuśidōr ad mùśica clàsica ch'la gh'à da invidàr a dascórar in dal sò prugràma, Richard Poe (Chris Mulkey). Chi lò 'l è piutòst viulènt e 'l vōl che lē la béva a tut i cōst dal vèṅ rós ch'l à purtâ sèg.