Vai al contenuto

Renzo Montagnani

Da Wikipedia.

C'l artìcul chè 'l è scrit in Miranduléś Emiliàn

Renzo Montagnani tòlt śò in dal 1972


Renzo Montagnani (Lisàndria, 11 ad Setémbar dal 1930 - Róma, 22 ad Maǵ dal 1997) 'l è stâ 'n atōr, ardupiadōr e persunàǵ televiśìṿ itagliàṅ, cgnusû specialmènt p'r i sò film spurcaciòṅ di an Stanta che lò 'l à fat par catàr sù di bèsi par curàr sò fiōl Daniele dimóndi malâ.

Nâ in Piemónt da di genitōr tuscàṅ, Renzo al crés a Firénse in dua 'l s làurea in farmacìa sénsa però mai lauràr in cal camp lè. In di an Sinquànta al decìd 'd andàr a star a Milàṅ par tgnir adrē a i sò sógn ad dvintàr atōr e 'l taca a recitàr a teàtar, laurànd in dal cumpagnìi 'd Enrico Viarisio e 'd Erminio Macario, cgnusénd acsè Gino Bramieri, la Sandra Mondaini e la Pupella Maggio. In dal 1959 'l è prutagunìsta dal spetàcul teatràł I sogni muoiono all'alba 'd Indro Montanelli, pò purtâ a 'l cìnema dū an dòp.

In di an Ssanta al và a star a Róma e pò al taca a lauràr a 'l cìnema e in televiśiòṅ. In di An Stanta al dvènta famóś tulénd da spés part a 'l filòṅ dla cumèdia sèxi a l'itagliàna, insém a di atōri specialiśàdi in cal gènar lè cuma l'Edwige Fenech, la Nadia Cassini, la Barbara Bouchet e la Daniela Poggi, in dua lò al fava ad règla la part dal marè infedēl, squasamarléti purcùs e vulgaròt. Fra 'l pelìculi giràdi in chi an lè a 'rcurdém Il ginecologo della mutua (1977), La soldatessa alla visita militare (1977), La soldatessa alle grandi manovre (1978), L'insegnante va in collegio (1978) e Scusi, lei è normale? (1979).

In di an Utànta al lavóra dimóndi in televiśiòṅ faghénd di spetàcui cuma Ci pensiamo lunedì, Il trappolone e Shaker, sèmpar su Rai 2, in dua 'l fava anc al persunàǵ ad Don Libero, pò prutagunìsta anc dal telefìlm Don Fumino.

Al sò rōl più famóś 'l è qvél dal barìsta Guido Necchi fat in Amici miei - Atto IIº (1982) e Amici miei - Atto IIIº (1985), tulénd al pòst ad Duilio Del Prete ch'al 'l iva fat invéci in dal prim film dla série, Amici miei (1975).

'L è mòrt a ssanta-siē an p'r un cànc'r a i palmòṅ lasànd sò mujēr Eileen Jarvis dal Bluebell Girls, spuśàda in dal 1959, e al sò ùnic fiōl Daniele mòrt sèt an dòp ad lò.

Filmugrafìa

[mudéfica la surzéia]
Dóni, bòti e bersagliēr (1968)
L'arma, l'óra, al muvènt (1972)
Al visi 'd famìja (1975)
La mujēr vìrgin (1975)
La nōra śōvna (1975)
Pcadōr ad pruìnsa (1976)
L'insgnànta la và in culéǵ (1978)
L'insgnànta la vîṅ a cà (1978)
Mo in du vō't andàr s'al visiét ta n gh 'l à briśa? (1979)

Persunàǵ che lò 'l à ardupiâ

[mudéfica la surzéia]

Culegamènt estéran

[mudéfica la surzéia]

Àtar prugèt

[mudéfica la surzéia]
Estratto da "https://eml.wikipedia.org/w/index.php?title=Renzo_Montagnani&oldid=161969"