Regole d'onore
|
C'l artìcul chè 'l è scrit in
Miranduléś |
 Rules of Engagement | ||
| Regole d'onore | ||
 Lee Jones e Jackson in na figùra dal film | ||
| Règhli 'd unōr 2000 | ||
|---|---|---|
| Regìa: William Friedkin | ||
| Scritōr: Jim Webb • Stephen Gaghan | ||
| Atōr: Tommy Lee Jones • Samuel L. Jackson Guy Pearce • Ben Kingsley • Bruce Greenwood Anne Archer • Blair Underwood • Dale Dye Philip Baker Hall • Amidou • Mark Feuerstein | ||
| Müsica: Mark Isham | ||
| Léngua: Ingléś • Àrab • Vietnamît | ||
| Dürä dal film: 128 minüt | ||
| Nasiōṅ: Stat Unî • Régn Unî • Germàgna | ||
Regole d'onore (Règhli 'd unōr) 'l è 'n film dramàtic e 'd asiòṅ americàṅ dal 2000 ad William Friedkin ch'al fà riferimènt a di fat sucès dabòṅ. Soquànti séni i èṅ stadi giràdi in dla kasbah dla sità 'd Ouarzazate in Maròc.
Custâ ssanta migliòṅ ad dòlar, al film al 'n à pò muciâ sù da piò ad stant'òṅ.
Sunt
[mudéfica la surzéia]Hayes Hodges (Tommy Lee Jones) 'l è 'n culunèl di marines ch'l è péna andâ in pensiòṅ dòp avēr anc studiâ d'avucàt. Al sò culéga Terry Childers (Samuel L. Jackson), che vint-i-òt an prima al 'l iva salvâ p'r un pēl da 'l fōg nemìg in un padól dal paéś aśiàtig, al cuntìnua invéci a sarvìr i Stat Unî da culunèl laurànd a 'l èstar. Un dè, quànd al ricév na ciamàda 'd ajùt da part d'l ambasadōr in Yemen Mourain (Ben Kingsley), ch'l è sóta asèdi da part di manifestànt àrab e da di tiradōr franc, al partìs subìt c'n i sò óm in elicòtar par na misiòṅ ad salvatàǵ dimóndi difìcila.
Durànt la misiòṅ tri suldâ americàṅ i mōran e Mourain al dà 'l órd'n ad sparàr su la gint ch'la manifèstàva ma ch'la sparàva anc e la tiràva di giaròṅ e dal bómbi 'd fōg. Al culunèl al gh la cava a salvàr 'l ambasadōr, sò mujēr (Anne Archer) e anc sò fiōl pìcul ma fra i yemenît 'l è 'n masèl esénd ch'i in mōran da piò 'd utànta.
Al cunsiliēr par la sicurésa nasiunàla Bill Sokal (Bruce Greenwood) al decìd ad prucesàr-al davànti a la cōrt marsiàla parchè tut al mónd 'l iva dascōrs ad cal fat lè ad sànguv e lò al n vōl briśa ch'a 'l èstar i pòsan pinsàr ch'al guèr'n al vója far finta 'd gnint, quaciànd incòsa. Dòp avēr dâ 'l incàr'g a 'l magiōr Biggs (Guy Pearce) ad purtàr avànti 'l acùśa, Bill al bruśa na caséta vìddeo di sistéma 'd sicurésa dl'ambasàda in du a sa vdiva i manifestànt sparàr cónt'r i suldâ, pò al cunvìns Mourain a testimuniàr cónt'r a Childers. Chi lò al dmanda a Hodges ad far-ag da avucàt, esénd anc lò un suldâ ch'l à imparâ su la sò pèl cuśa vlis dir cumbàtar par salvàr-as la vita.