Regipêt
|
C'l artìcol chè 'l è scrit in
Carpśàn |
Al regipêt[1][2] 'l è cal pês dal vestiàri 'd sòta ch'a cuàcia e però anc al tin strìc e sustgnû el tèti ed cal dòni. In di tèimp più modèren, a s pōl anc fèr-el vèder, per na só pert, fóra da na camiśèta o da na giachèta, e dòunca 'l è gnû a fer pèrt di cmand edla moda di vistî.
I regipêt i s càten ed cutòun, ed pìs e 'd tùl, e in soquànti formi diferèinti: quêl più urdinàri 'l è cuśî a forma 'd triàngol in dal còpi, mo pò a gh'è i regipêt col còpi preformèdi, più funsionē e sustgnû, indû la còpa la gh'à bele la forma tonda prìma 'd èser mìsa indòs e 'l sustègn 'l è garantî; a gh'è i regipêt a balcunsèin, indû, c'm'a 'n balcòun, el teti i s egh fâcen bèin in fóra in sìm'a 'l mantègn; a gh'è anca i regipêt p'r al sport, perchè el tèti ed cal dòni, fend dal sport, i gh'àn biśògn ed sustègn e però anca 'd praticitê in di muvimèint dla ginàstica.
Vōś lighèdi
Noti e referèinsi
Èter progêt
Wikimedia Commons contiene file multimediali su Regipêt
Wikizionario contiene la voce di dizionario «Regipêt»
Colegamèint estèren
- (IT) La vóś in sìm'a 'l vucabulàri Treccani.
- (IT) D'indû a deśvìn al só nòm in sìm'a etimo.it.