Rana

C'l artìcul chè 'l è scrit in Miranduléś

Rana
na rana cumùna
Dominì: Eukaryota
Rèign: Animalia
Sòtrèign: Eumetazoa
Superphylum: Deuterostomia
Phylum: Chordata
Subphylum: Vertebrata
Superclâsa: Tetrapoda
Clâsa: Amphibia
Sòtclâsa: Lissamphibia
Órdin: Anura

La rana l'è 'n anfìbi ch'al fà part d'l órdan di anùri. A difarénsa di ròsp, ch'i vìv'n in tèra, e dal raganèli, ch'i vìv'n in sal piànti, al rani i pàs'n al sò tèmp specialmènt in dl'àqua.

In gèn'r al rani in n gh'ànan mia la cóa e i dróan al gambi da drē, dimóndi lunghi e pigàdi dū vòlti, par mōv'r-as faghénd di salt mént'r i ròsp i pōlan anc giràr. I sò òć i èṅ ad fóra e 'l sò lum 'l è in sèns uriśuntàl. I dróan la léngua, ch'la sa ślunga in fóra, par ciapàr gl'insèt da magnàr.

In bóca i gh'aṅ di dènt ma sōl in dla ganàsa 'd sōvar. La sò pèl l'è lisa e la pōl ès'r ad culōr vérd, śal o maròṅ. Vivénd in àqua i gh'àṅ al maṅ palmàdi e i èṅ bòni 'd nudàr.

In Frància, in Piemònt e in Indunèśia la gint la i magna vluntéra, specialmènt al còsi ch'i vìnan friti.

Ad spéci a gh 'n è dimóndi, a psém arcurdàr:

Rana śvélta (Rana dalmatina);
Rana 'd muntàggna o rana rósa (Rana temporaria);
Rana di apenìn (Rana italica);
Rana gulìa (Conraua goliath);
Rana grèca (Rana graeca);
Rana tòr (Lithobates catesbeianus);
Rana vérda o rana cumùna o rana ìbrida di fòs (Pelophylax esculentus);
Rana vérda granda (Pelophylax ridibundus);
Rana vérda pìcula o rana di fòs o rana 'd Lessona (Pelophylax lessonae)

Culegamènt estéran

(IT) La sò paśna su 'l sit dla Treccani

Àtar prugèt

Wikiquote contiene citazioni di o su Rana
Wikimedia Commons contiene file multimediali su Rana