Ragazze al limite
|
C'l artìcul chè 'l è scrit in
Miranduléś |
 Beyond the City Limits
| ||
| Ragazze al limite | ||
 La Esposito e la Kinski in na figùra dal film | ||
| Ragàsi a 'l lìmit 2001 | ||
|---|---|---|
| Regìa: Gigi Gaston | ||
| Scritōr: Christian Gudegast Paul Horsun • John McMahon | ||
| Atōr: Jennifer Esposito • Alyson Hannigan Nastassja Kinski • Steve Harris • Brian McCardie Todd Field • Alexis Denisof • Sophie B. Hawkins | ||
| Müsica: Billy White Acre | ||
| Léngua: Ingléś • Francéś | ||
| Dürä dal film: 91 minüt | ||
| Nasiōṅ: Stat Unî • Cànada | ||
Ragazze al limite (Ragàsi a 'l lìmit) 'l è 'n film 'd asiòṅ dal 2001 ad Gigi Gaston girâ a Los Angeles.
La pelìcula, ch'la pòrta 'l tìtul ad Beyond the City Limits in uriginàł, l'è cgnusùda anc cuma Rip it Off.
Sunt
La Lexi (Alyson Hannigan) l'è na ragàsa califurgnàna cun di prubléma 'd dròga pasâ da pôc, a s fà par dir. A gh piàśrév dascórar in francéś e andàr in gir a far dal còmpri insém a la sò amìga Misha (Nastassja Kinski). Tuti e dū i gh'aṅ di muróś mémbar dla màfia rusa, Sergei Akotia (Brian McCardie) e Yuri (Alexis Denisof).
Un dè, mént'r i èṅ in gir, i incróśan par caś l’Helena (Jennifer Esposito), na sò amìga dna vòlta ch'adès la s la pasa mâł esénd ch'la pitùra gl'ungi par purtàr a cà quèl e l'è anc custréta a vìv'r insém c'n al sò èx marè patalùc, al pulisiòt Jack Toretti (Todd Field), un tisi ch'al ténd a śbadaciàr quànd al cònta dal bali.
Na sira Sergei al dmanda a la sò muróśa Lexi ad far un “śuglèṅ lèśbo” cun la Misha. Quànd lē la gh diś ad nò, lò al la casa 'd cà par l'arlìa. Quànd l’Helena la sènt cuś a gh'è sucès, la decìd ad far-'g-la pagàr cuntànd a sò marè che i dū i gh'aṅ intensiòṅ ad rapinàr al caśinò in du a lavóra Troy (Steve Harris), un dipendènt ch'al sarà lasâ a cà prèst da i nóṿ pruprietàri e che dònca al s vōl vindicàr tintànd un cōlp insém a i rus. La dóna la spéra acsè che Jack al i faga arestàr mo invéci lò, dit „magna-spaghét“, al vōl śuntàr-'s a la banda a 'l pòst ad dū sò culéga curót masâ soquànt dè prima, i detective Lomax (Marcos A. Ferraez) e Hanson (Chris Ellis). Ma, cum a s diś in chi caś chè, al ragàsi bravi i vàn'n in paradìś, qvéli catìvi dapartùt e i dū migliòṅ ad dòlar dal cōlp i gh farévan pròpria còmad.