Visualizza wikitesto di Raffaella Carrà

{{Metacaixa
|id=0
|color=
|bt1=Miranduléś
|bticona1=[[File:Mirandola-stemma.gif|16px]]
|ps1=
__NOTOC__

{{dialort | dial=Miranduléś}}

[[File:Raffaella_Carrà.jpg|360px|thumb|right|La Raffaella Carrà]]


{{CITAZIONE2|Pero una tarde que se encuentra mal, regresa pronto para descansar y se encuentra una mujer (¡qué dolor! ¡qué dolor!) dentro de un armario (¡qué dolor! ¡qué dolor!) y el cara dura le dice que le deje que explique que sintió mucho frío y que ha llamado al doctor, y que después de mirarle, le extendió su receta, le dejó a la enfermera que le dé calor.|Però na basóra ch'la n stava minga bèṅ, la tórna a cà par punsàr e la cata na dóna (ac dulōr! ac dulōr!) dènt'r a 'n armàri (ac dulōr! ac dulōr!) e cal grugn lè ad brónś al gh diś ad lasàr-ag cuntàr ch'al gh'iva dimóndi fréd e ch'l à ciamâ 'n dutōr che, dòp avér-al vdû, 'l à butâ śò la sò ricèta, lasànd-ag l'infarméra par dar-ag calōr.|'''¡Qué Dolor!''', ''1984''|DIALETTO={{Mud}}|LINGUA={{Es}}}}


La '''Raffaella Carrà''', nóm 'd art ad ''Raffaella Maria Roberta Pelloni'' ([[Bulógna]], [[18 ed zógn|18 ad Śugn]] dal [[1943]] - [[Ròma]], [[5 ed lói|5 ad Lùi]] [[2021]]), l'era na showgirl, atóra, cantànta, autóra e balarìna itagliàna.

== Biugrafìa ==

''Raffaella'' la crés a [[Belèria]] (sò pàdar al gh'iva là 'n bar) ma pò a òt an la lasa la [[Rumâgna]] par tgnir a drē a [[Róma]] a la [[Jia Ruskaja]], ch'l'iva dâ vita a l'Acadèmmia Nasiunàla ad Dansa. A 'l inìsi di an Sinquànta la taca a recitàr in soquànt film, cuma '''Tormento del Passato''' dal 1952 in du la fà la putìna ''Graziella''.

In dal 1960, dòp avér tòlt al diplòma a 'l Sèntar Sperimentàl ad Cinematugrafìa, la fà la sò debùt véra in dal cìnema, in dal film '''La lunga notte del '43''' ad [[Florestano Vancini]] e in '''Il peccato degli anni verdi''' ad [[Leopoldo Trieste]]. La tōś part anch in dagl'atri pelìculi cuma '''I compagni''' ad [[Mario Monicelli]] e, sóvra ad tut, '''Il colonnello Von Ryan''' a fiànc ad [[Frank Sinatra]]. 

In di an Ssanta i giurnài petégui i la bècan par la sò relasiòṅ cun al śugadōr ad balòṅ [[Gino Stacchini]] dla [[Juventus]] ch'la dura òt an. In cal mèntar, ''Raffaella'' la sarnìs al nóm 'd art ad ''Carrà'' (in unōr d'l artìsta [[Carlo Carrà]], cuma al gh'iva dit al regìsta [[Dante Guardamagna]]) e la taca a recitàr anc in teàtar.

In di prim méś dal 1962 la taca a lauràr in televiśiòṅ in dal prugràma '''Tempo di Musica''' faghénd la valéta ad [[Lelio Luttazzi]].

In dla stagiòṅ 1969-1970 al riva al sucès televiśìṿ, in dal spetàcul '''Io Agata e tu''' ch'la fava insém a [[Nino Taranto]] e [[Nino Ferrer]] e in dua la dà inìsi a 'n stîl nóṿ dal tut ad far la ''showgirl'', dimóndi mudéran. In d'l [[Aṿtòṅ]] dal stés an l'è a fiànc ad [[Corrado]] in '''Canzonissima''' in dua la dà scàndal faghénd védar 'l [[umbrìgul]] in dla siggla ch'la vèra la traśmisiòṅ '''Ma che musica maestro!''' (''Ma ac mùśica mìstar!''). Anc 'l an dòp l'è a ''Canzonissima'' e lè la dà vita a 'l bal '''Tuca Tuca''' e la canta '''Chissà se va''' (''Giusà s'la và'') e la cansòṅ par putèṅ '''Maga Maghella''', persunàǵ invintâ pròpria da lē. In dal 1974 la preśénta '''Milleluci''' insém a la [[Mina]] e pò incóra la sò tèrsa ''Canzonissima'' ma 'sta vòlta da par lē.

Dòp èsar-'s fata cgnósar anc in [[Spaggna]] cun al prugràma '''La hora de Raffaella''', in dal 1978 la preśénta al varietà dal Sàbat sira '''Ma che sera''' e pò '''Millemilioni''' in dal 1981. In dal 1982 la tórna a lauràr insém a [[Corrado]] (e a [[Gigi Sabani]] e a [[Renato Zero]]) a '''Fantastico 3'''.

In dal 1983 (e par tri an) la sa spòsta a Meśdè dand vita, insém a 'l sò cumpàgn da na vòlta [[Gianni Boncompagni]], a '''Pronto, Raffaella?''', un salòt televiśìṿ in dua ''Raffaella'' la fava dimóndi śuglèṅ a 'l telèfun, dmandànd a la gint quànt faśōi la tgniva in dal baràtul o parchè la t rispónd śal<ref>[http://archiviostorico.corriere.it/1995/febbraio/17/Carra_miei_fagioli_sono_innocenti_co_0_9502175833.shtml La Carrà: "i mè faśōi i n gh'àṅ briśa cólpa"] ''corriere.it'', 17 ad Śnar dal 1995</ref>.

In dal 1986 l'è la vòlta ad '''Domenica In''' prima ad pasàr a [[Canale 5]] par far dū prugràma bèi fiàp in di ascōlt cuma '''Raffaella Carrà Show''' e '''Il principe azzurro'''. In dal 1989 la tórna in si sò pas faghénd '''Raffaella venerdì sabato e domenica - Ricomincio da Due''' par [[Rai 2]] insém a 'l parmśàṅ [[Scialpi]] e a la [[Sabrina Salerno]]. Turnàda a 'l sucès pîṅ da na vòlta, par ''Raffaella'' i s vèran incóra i us dal Sàbat sira cun '''Fantastico 12''' (1991, insém a [[Johnny Dorelli]]), '''Carràmba! Che sorpresa''' (1995/2002) e '''Carràmba! Che Fortuna'''.

In dal 2001 l'è in sal palc ad [[Sanremo]] (secónda dóna a far-al dòp la [[Loretta Goggi]]) ma da cal mumènt lè in avànti la taca a cumparìr sémpar ad méno in televiśiòṅ. In dal 2011 a vèṅ fóra un remix dal dj francéś [[Bob Sinclar]] dna sò canta dal 1976 ('''A far l'amore comincia tu''', ''A far 'l amōr taca tè'') cun al tìtul ad '''Far l'amore''' e 'l è un sucès internasiunàl.

A séguit dal taramòt dla basa mudnéśa dal Maǵ dal 2012, ''Raffaella'' la decìd ad dar 'n ajùt partecipànd a 'n cuncèrt par catàr sù di fónd, insém a di àtar artìsta dla regiòṅ Emìglia Rumàgna cuma i [[Nomadi]], [[Francesco Guccini]], [[Zucchero Fornaciari]], [[Nek]], la [[Laura Pausini]], [[Luciano Ligabue]], [[Gianni Morandi]] e i [[Modena City Ramblers]]<ref>[http://www.blitzquotidiano.it/musica-showblitz/terremoto-emilia-raffaella-carra-alleviare-la-tremenda-burocrazia-1283393 Taramòt in Emìglia, Raffaella Carrà: "Tirâ via cla burocrasìa lè treménda"] ''blitzquotidiano.it'', 25 ad Śugn dal 2012</ref>.
{{CITAZIONE|Mè a sòṅ nada a Bulógna, mè pàdar 'l è emigliàṅ, mè màdar rumagnōla. Mè a sòṅ chè stasìra par tri mutìṿ, al prim 'l è ch'a vój che tut vuàtar dal stadi Dall'Ara ch'a sî chè mèg a dâ 'n abràs dimóndi fòrt a tut al parsòni ch'i èṅ drē a guardàr-as incóra da sóta 'l téndi, nuàtar a sém chè parchè a v vlém bèṅ, a v vlém dar dal curàǵ, fòrsa e andém avànti, veramènt a v sintém in dal cōr, tut qvést chè 'l è par vò. Secónd mutìṿ, far, tut nuàtar, quél ch'a s pōl par jutàr cla regiòṅ chè fòrta e pîna ad curàǵ, a 'l fém ma mè a 'l dig a tut gl'itagliàṅ adès, fâ cal 45500 chè da telefunèṅ o da telèfun fis e dunâ dū euro par la ricustrusiòṅ ad cal taramòt chè maladî, a gh'ém da custruìr incóra. Al tèrs e ùltim mutìṿ, e par quést chè a gh'ém pò da far-as sintìr fòrt, a dascór a i putènt dl'Itàglia, vuàtar a gh'î da, par piaśér!, par piaśér!, réndar alśéra cla burocrasìa chè treménda in di cunfrònt dl'Emìglia e a gh'î da far-al subìt!, a v al dmand in śnòć!, subìt tut i piàṅ ch'a gh'î in mènt. Mè, baghét, a n al sò minga s'i s ascultaràṅ, ma in tut al manéri stasìra nuàtar a gh'ém da far dimóndi, ma dimóndi STUS!|Al sò apèl dal 25 ad Śugn dal 2012 in sal palc ad Bulógna}}

== Filmugrafìa ==

* Tormento del passato, regìa ad [[Mario Bonnard]] <small>(1952)</small>
* Valeria ragazza poco seria, regìa ad [[Guido Malatesta]] <small>(1958)</small>
* Europa di notte, regìa 'd [[Alessandro Blasetti]] <small>(1958)</small>
* Caterina Sforza, la leonessa di Romagna, regìa ad [[Giorgio Walter Chili]] <small>(1959)</small>
* La lunga notte del '43, regìa ad [[Florestano Vancini]] <small>(1960)</small>
* La furia dei barbari, regìa ad [[Guido Malatesta]] <small>(1960)</small>
* Il peccato degli anni verdi, regìa ad [[Leopoldo Trieste]] <small>(1960)</small>
* Maciste l'uomo più forte del mondo, regìa 'd [[Antonio Leonviola]] <small>(1961)</small>
* Ulisse contro Ercole, regìa ad [[Mario Caiano]] <small>(1961)</small>
* Maciste nella terra dei Ciclopi, regìa 'd [[Antonio Leonviola]] <small>(1961)</small>
* 5 marines per 100 ragazze, regìa ad [[Mario Mattoli]]	<small>(1962)</small>
* Ponzio Pilato, regìa ad [[Gian Paolo Callegari]] <small>(1962)</small>
* Giulio Cesare, il conquistatore delle Gallie, regìa ad [[Tanio Boccia]] <small>(1962)</small>
* I Don Giovanni della Costa Azzurra, regìa ad [[Vittorio Sala]] <small>(1962)</small>
* L'ombra di Zorro, regìa ad [[Joaquín Luis Romero Marchent]] <small>(1962)</small>
* Il terrorista, regìa ad [[Gianfranco De Bosio]] <small>(1963)</small>
* I compagni, regìa ad [[Mario Monicelli]] <small>(1963)</small>
* L'amore e la chance, <small>epiśòdi</small> ''La fortuna si chiama Lucky'', regia di [[Charles L. Bitsch]] <small>(1964)</small>
* La Celestina P... R..., regìa ad [[Carlo Lizzani]] <small>(1965)</small>
* Il colonnello Von Ryan, regìa ad [[Mark Robson]] <small>(1965)</small>
* Il vostro superagente Flit, regìa ad [[Mariano Laurenti]] <small>(1966)</small>
* Il Santo prende la mira, regìa ad [[Christian Jacque]] <small>(1966)</small>
* Rose rosse per Angelica, regìa ad [[Steno]] <small>(1968)</small>
* 7 eroiche carogne (''Comando al infierno''), regìa ad [[José Luis Merino]] <small>(1969)</small>
* Professione bigamo, regìa ad [[Franz Antel]] <small>(1969)</small>
* Il caso "Venere privata", regìa 'd [[Yves Boisset]] <small>(1970)</small>
* Barbara, regìa ad [[Gino Landi]] <small>(1980)</small>
* "FF.SS." - Cioè: "...che mi hai portato a fare sopra a Posillipo se non mi vuoi più bene?", regìa ad [[Renzo Arbore]] <small>(1983)</small>

== Discugrafìa ==



=== Àlbum ===
* <small>1970</small> - Raffaella
* <small>1971</small> - Raffaella Carrà
* <small>1972</small> - Raffaella... Senzarespiro
* <small>1973</small> - Scatola a sorpresa
* <small>1974</small> - Milleluci
* <small>1974</small> - Felicità tà tà
* <small>1976</small> - Forte forte forte
* <small>1977</small> - Fiesta
* <small>1978</small> - Raffaella
* <small>1979</small> - Applauso
* <small>1980</small> - Mi spendo tutto
* <small>1982</small> - Raffaella Carrà 82
* <small>1983</small> - Fatalità
* <small>1984</small> - Bolero
* <small>1985</small> - Fidati
* <small>1986</small> - Curiosità
* <small>1988</small> - Raffaella
* <small>1990</small> - Inviato speciale
* <small>1991</small> - Raffaella Carrà
* <small>1993</small> - Hola Raffaella
* <small>1996</small> - Carramba che rumba

=== Racòlti ===
* <small>1975</small> - Il meglio di Raffaella Carrà
* <small>1977</small> - I successi di Raffaella Carrà
* <small>1977</small> - Ritratto di... Raffaella Carrà
* <small>1978</small> - Carrà sera
* <small>1982</small> - Fantastica!
* <small>1984</small> - Pronto... Raffaella?
* <small>1987</small> - I grandi successi di Raffaella Carrà
* <small>1988</small> - Parti di me
* <small>1993</small> - I miei successi
* <small>1994</small> - I successi di Raffaella Carrà
* <small>1996</small> - Fantastica Carrà
* <small>1997</small> - Gli anni d'oro
* <small>1997</small> - Raffaella Carrà
* <small>1998</small> - Raffaella Carrà
* <small>1999</small> - Fiesta - I grandi successi
* <small>2000</small> - Tutto Carrà
* <small>2000</small> - Raffaella Carrà
* <small>2000</small> - I grandi successi originali
* <small>2001</small> - Fiesta - I grandi successi
* <small>2001</small> - Raffaella Carrà
* <small>2005</small> - Raffaella Carrà
* <small>2006</small> - Raffaella Carrà
* <small>2007</small> - Raffica
* <small>2008</small> - Raffica - Balletti & duetti
* <small>2011</small> - I miei successi (''3CD'')

=== Sìngui ===
* <small>1970</small> - Ma che musica maestro/Non ti mettere con Bill
* <small>1970</small> - Reggae Rrrrr! (Parte Prima)/Reggae Rrrrr! (Parte Seconda)
* <small>1971</small> - Chissà chi sei/Dudulala
* <small>1971</small> - Chissà se va/Perdono, non lo faccio più
* <small>1971</small> - Tuca tuca/Vi dirò la verità
* <small>1972</small> - Maga maghella/Papà
* <small>1972</small> - Borriquito/Raindrops keep fallin on my head
* <small>1972</small> - Accidenti a quella sera/Tuca tuca si
* <small>1973</small> - T'ammazzerei/Era solo un mese fa
* <small>1974</small> - Din don dan/Bumba mama
* <small>1974</small> - Rumore/Sì, ci sto
* <small>1974</small> - Felicità tà tà/Ma che sera
* <small>1974</small> - Rumore/Mi viene da piangere
* <small>1974</small> - Felicità tà tà/Il guerriero
* <small>1975</small> - Male/Sciocco
* <small>1975</small> - Tornerai/53 53 456
* <small>1976</small> - Forte forte forte/A far l'amore comincia tu
* <small>1977</small> - Fiesta/A far l'amore comincia tu
* <small>1977</small> - Black cat/California
* <small>1977</small> - Tanti auguri/A million dollars/Black cat
* <small>1978</small> - Tanti auguri/Amoa
* <small>1979</small> - E salutala per me/Ciak
* <small>1980</small> - Pedro/Maria Marì
* <small>1980</small> - Mi spendo tutto/Io non vivo senza te
* <small>1981</small> - Caliente caliente/Adios amigo
* <small>1982</small> - Ballo ballo/Dammi un bacio
* <small>1983</small> - Soli sulla luna/Ahi
* <small>1983</small> - Fatalità/Nè con te, nè senza te
* <small>1984</small> - Que dolor/Spera, aspetta e spera
* <small>1984</small> - Dolce far niente/Io ti amo
* <small>1984</small> - Buon Natale/Amico
* <small>1985</small> - Amico/Tele telefonarti
* <small>1985</small> - Fidati!/Bacio
* <small>1988</small> - Voglio tutto soprattutto te/Abbracciami
* <small>1990</small> - Ballando soca dance/Sognando soca dance
* <small>1999</small> - Presidance (''insém a [[Elio e le Storie Tese]]'')

== Culegamènt estéran ==
* {{it}} [http://www.raffaellacarrafans.com/ Al sit di sò sustenidōr]
* {{it}} [http://www.youtube.com/watch?v=qF5DLwfwiWE/ La canta ''Rumore'' durànt al cuncèrt p'r i taramutâ dl'Emìglia]

== Nòti ==
{{References|1}}

{{interprogetto|commons=Category:Raffaella Carrà|q=it:Raffaella Carrà}}

|sel=1
}}

{{DEFAULTSORT:Carrà, Raffaella}}
[[Categoria:Persunàǵ Emigliàṅ e Rumagnōi]]
[[Categoria:TELEVISIONE]]
[[Categoria:CINEMA]]
[[Categoria:Cantànt itagliàn]]
[[Categoria:ER MUSICA]]