Racconto di primavera
|
C'l artìcul chè 'l è scrit in
Miranduléś |
 Conte de printemps | ||
| Racconto di primavera | ||
 La Teyssèdre e la Darel in na figùra dal film | ||
| Racònt ad primavéra 1990 | ||
|---|---|---|
| Regìa: Éric Rohmer | ||
| Scritōr: Éric Rohmer | ||
| Atōr: Anne Teyssèdre • Florence Darel Hugues Quester • Eloïse Bennett • Sophie Robin | ||
| Müsica: Jean-Louis Valero | ||
| Léngua: Francéś | ||
| Dürä dal film: 108 minüt | ||
| Nasiōṅ: Frància | ||
Racconto di primavera (Racònt ad primavéra) l'è na cumèdia dal 1990 scrita e diréta p'r Éric Rohmer. A s trata dal prim epiśòdi dal cicclo di Racònt dal quàtar stagiòṅ, c'n i capìtui sucesìṿ furmâ da Racconto d'inverno (1992), Racconto d'estate (1996) e Racconto d'autunno (1998).
Sunt
[mudéfica la surzéia]La Jeanne (Anne Teyssèdre) l'è n'insgnànta 'd filuśufìa dal licèo e la gh'à na relasiòṅ c'n al diśurdnâ matemàtic Mathieu. Na sira a na fèsta la cgnós na śuvnòta ciamàda Natacha (Florence Darel), studènta 'd piàṅ a 'l cunservatòri, e i s fàn'n amìghi. La ragàsa, ch'la viṿ da par lē in na cà a Parì ch'al gh'à dâ sò pàdar Igor (Hugues Quester), funsiunàri dal Ministēr dla Cultùra, la l'invìda da lē a durmìr. La Jeanne la gh diś ad sè anc parchè in dal sò apartamènt adès a gh'è na sò cuśìna, la Gaëlle (Sophie Robin), ch'la gh 'l iva dmandâ in prèst.
Al dó dóni i tàc'n a dascórar di sò prubléma. In particulàr la Natacha la gh cònta ch'i sò genitōr i s èṅ divìś e ch'la n s cumpatìs pròpria briśa sò màdar. Sò pàd'r invéci 'l à tacâ na relasiòṅ cun na ragàsa śōvna ciamàda Ève (Eloïse Bennett) ch'la gh'à i sò an, anc chi lē a i sò òć l'è na bruta parsòna. La Natacha la créd fra 'l àtar ch'la gh'àppia fargâ na culàna 'd famìja ch'l'è sparìda.
In séguit la Natacha l'invìda la sò amìga a pasàr dal tèmp sèg in dla sò cà 'd campàggna a Fontainebleau esénd ch'la gh'à anc da far di lavōr in giardèṅ. Un dè i rìvan lè a séna anc Igor e lʼÈve.