Racconto d'autunno (film 1998)
|
C'l artìcul chè 'l è scrit in
Miranduléś |
 Conte d'automne | ||
| Racconto d'autunno | ||
.png) La Portal e Sandre in na figùra dal film | ||
| Racònt 'd aṿtòṅ 1998 | ||
|---|---|---|
| Regìa: Éric Rohmer | ||
| Scritōr: Éric Rohmer | ||
| Atōr: Béatrice Romand • Marie Rivière Alain Libolt • Alexia Portal • Aurélia Alcaïs Didier Sandre • Stéphane Darmon • Yves Alcaïs | ||
| Müsica: Claude Marti • Gérard Pansanel Pierre Peyras • Antonello Salis | ||
| Léngua: Francéś | ||
| Dürä dal film: 112 minüt | ||
| Nasiōṅ: Frància | ||
Racconto d'autunno (Racònt 'd aṿtòṅ) l'è na cumèdia dal 1998 scrita e diréta p'r Éric Rohmer. A s trata d'l ùlt'm epiśòdi dal cicclo di Racònt dal quàtar stagiòṅ, dòp Racconto di primavera (1990), Racconto d'inverno (1992) e Racconto d'estate (1996). L'è stada preśentàda a 'l 55śum Fèstival ad Venèsia.
La pelìcula l'à fat sù dū migliòṅ e dū ad dòlar dòp ès'r-an custàda dū e òt.
Sunt
[mudéfica la surzéia]La Magali (Béatrice Romand) la viṿ in dla campàggna dla Val dal Ròdan in dua la gh'à 'n sit ad tèra ch'al gh'à lasâ sò pàdar ciamâ La Farme du Moulin in du la gh'à dal piànti ad vida. Armàśa védva, la fà tut da par lē lè, anc al vèṅ e sunàr sù l'ua. I sò fiōi i èṅ andâ a star via, la Valentine a Orange e Léo (Stéphane Darmon) a Montélimar in du 'l stùddia. Chi lò al s è fat muróś cun la Rosine (Alexia Portal), na ragàsa che na quàlc vòlta l'andàva a vindmàr da sò màdar.
La Magali la gh'à na bòna amìga in dlʼIsabelle (Marie Rivière), na dóna ch'l'andàva a scóla sèg da śōvna e ch'l'à avèrt na librerìa a Saint-Paul-Trois-Châteaux. Adès che sò fiōla Émilia (Aurélia Alcaïs) la gh'à da spuśàr-as, lʼIsabelle la vrév che lē la vgnis a 'l matrimòni, a gh daspiàś sōl ch'la sia da par lē, sénsa ninsòṅ a 'l sò fiànc. La decìd acsè ad métar 'n anùns su 'n giurnàł par cgnósar 'n óm da preśentàr-ag. Quànd a gh rispónd un sèrt Gérald (Alain Libolt), la libràra la 'l frequénta 'n pôc par védar s'al pōl èsar 'l óm giùst par la sò amìga.
Anc la Rosine la vrév catàr marè a la Magali. La decìd acsè ad far-'g incuntràr al sò èx prufesōr ad filuśufìa ch'in pasâ al gh'à abû na relasiòṅ sèg, Étienne (Didier Sandre).