Racconto d'inverno
|
C'l artìcul chè 'l è scrit in
Miranduléś |
 Conte d'hiver | ||
| Racconto d'inverno | ||
 La Charlotte Véry in na figùra dal film | ||
| Racònt 'd invèran 1992 | ||
|---|---|---|
| Regìa: Éric Rohmer | ||
| Scritōr: Éric Rohmer | ||
| Atōr: Charlotte Véry • Frédéric van den Driessche Michel Voletti • Hervé Furic • Christiane Desbois Ava Loraschi • Rosette • Jean-Claude Biette Haydée Caillot • Jean-Luc Revol • Marie Rivière | ||
| Müsica: Jean-Sébastien Erms | ||
| Léngua: Francéś | ||
| Dürä dal film: 114 minüt | ||
| Nasiōṅ: Frància | ||
Racconto d'inverno (Racònt 'd invèran) l'è na cumèdia dal 1992 scrita e diréta p'r Éric Rohmer. A s trata dal secónd epiśòdi dal cicclo di Racònt dal quàtar stagiòṅ, dòp Racconto di primavera (1990) e prima 'd Racconto d'estate (1996) e Racconto d'autunno (1998).
Sunt
[mudéfica la surzéia]Durànt na vacànsa in Bretàgna, la Félicie (Charlotte Véry) la s inamóra 'd Charles (Frédéric van den Driessche), un cōg ch'al gh'à da partìr dòp l'Istâ p'r i Stat Unî. Prima 'l lasàr-as, la ragàsa la gh lasa 'l sò indirìs, acsè ad psēr-as véd'r in séguit, ma purtròp la sa śbalia e i dū i n s védan più. Soquànt méś dòp a nas anc na putìna, lʼÉlise (Ava Loraschi), frut dla relasiòṅ.
I èṅ pasâ sinc an e la Félicie la s è arfàta na vita anc s'l arcòrd ad Charles 'l è 'n ciòld fis in dla sò mènt parchè sèg l'à sintî 'l amōr véra. In dal méntar ch'la viṿ incóra cun sò màdar (Christiane Desbois) e cun la sò baghéta, l'à tacâ na relasiòṅ c'n un bibliutecàri inteletuàł ciamâ Loïc (Hervé Furic) ma anc c'n al paruchēr in du la lavóra, Maxence (Michel Voletti), che par lē 'l à mulâ sò mujēr vrénd un salòṅ in 'n àtar cumùn, a Nevers. Subìt dòp Nadâł, la Félicie la và a vìvar sèg cuma s'la fus sò mujēr, ma la gh argmàgn sōl un dè, pò la sa stufa e la tórna a cà, rendénd-as cònt ch'la n gh vōl minga bèṅ abàsta.
La cuntìnua a frequentàr Loïc saénd però ch'la n véd minga 'n futûr sèg, la s sènt daścòmda e fóra pòst quànd lò al dascór dgl'òvri 'd Blaise Pascal, ad Platòṅ o 'd William Shakespeare ma na sira, esènd da par lē, la decìd 'd andàr sèg a véd'r a teàtar al drama Il racconto d'inverno dal dramatùrg ingléś. Quànd la statṿa dla regìna Hermiòṅ (Diane Lepvrier) la ciàpa vita, lē la gh'à un mumènt ad cumusiòṅ e la piànś, vdénd cuś a pōl sucédar cun la fēd e la vuluntà, cuma qvéla dal rè Leònt (Roger Dumas), un quèl ch'a pâr impusìbil a sucéd dabòṅ.
'L ùltim dè d'l an, méntar 'l è drē a tōr un bus p'r andàr a festegiàr al cavdàn c'n i suo a cà 'd sò màdar, la véd in dal pòst davànti a lē 'n óm sintâ a fiànc dna sò amìga (Marie Rivière): a s trata pròpria 'd Charles.