Quater cantòun

Da Wikipedia.
Jump to navigation Jump to search

C'l artìcol chè 'l è scrit in Carpśàn Emiliàn

'N śōg a l' aria 'verta

Quater cantòun 'l è 'n śōg ch'a gh'piêś fer ai ragasō quand in na stansa, ind un curtîl, o anca 'd lung a na strèda, a s cata alméno quater cantòun mìs un puchìn a furmèr un quadrê: in ognùn ed chi quater cant chè a s egh mèt un ragasōl, mèinter che in dal mêś a s in dév piasèr 'n èter, ch'l è dòunca sàinsa cantòun. Mèinter che i quater putèin i scàpen da 'n cantòun a cl èter, per scambièr's-i, cól ch'al stà in dal mêś al gh'à da purtèr vìa 'l cantòun a ùn 'd lalōr, 'rivènd lè in dl àngol vōd prìma ch'a gh'cùra cl èter. Cal ragasōl ch'l armàgn sàinsa cantòun al gh'arà alóra da 'ndèr in dal mêś sàinsa cantòun, e vìa acsè. Al śōg al finìs quànd i putèin i se stùfen.


Vóś lighèdi


Colegamèint estèren