Puoi baciare lo sposo
|
C'l artìcul chè 'l è scrit in
Miranduléś |
 Puoi baciare lo sposo | ||
 Caccamo, Abbrescia, la Del Bufalo e Esposito in na figùra dal film | ||
| At pō baśàr al spóś 2018 | ||
|---|---|---|
| Regìa: Alessandro Genovesi | ||
| Scritōr: Anthony J. Wilkinson Alessandro Genovesi • Giovanni Bognetti | ||
| Atōr: Diego Abatantuono • Monica Guerritore Cristiano Caccamo • Salvatore Esposito • Enzo Miccio Dino Abbrescia • Diana Del Bufalo • Beatrice Arnera Antonio Catania • Rosaria D'Urso • Vanna Mazza | ||
| Müsica: Andrea Farri | ||
| Léngua: Itagliàṅ • Napulitàṅ | ||
| Dürä dal film: 90 minüt | ||
| Nasiōṅ: Itàglia | ||
Puoi baciare lo sposo (At pō baśàr al spóś) l'è na cumèdia dal 2018 'd Alessandro Genovesi ch'al l'à scrita insém a Giovanni Bognetti a partìr da n'òvra teatràla off-Broadway d'l italo-americàṅ Anthony J. Wilkinson da 'l tìtul „My Big Gay Italian Wedding“.
Vindùda anc a 'l èstar, la pelìcula l'à muciâ sù dagnóra tri migliòṅ ad dòlar.
Sunt
[mudéfica la surzéia]Antonio (Cristiano Caccamo) e Paolo (Salvatore Esposito), i èṅ dū śōvan muróś ch'i vìv'n a Berlîṅ faghénd di lavursèṅ cuma atōr. I divìdan 'l apartamènt cun na ragàsa piutòst strana, la Benedetta (Diana Del Bufalo), e cun 'n autìsta 'd bus pugliéś pàd'r ad famìja ch'al gh cata gust a vistìr-as da dóna na quàlc vòlta, Dino Abbrescia (Donato Lavopa). P'r al fèsti ad Pàsqua, cuma da tradisiòṅ, Antonio al vrév turnàr in dal sò paéś in dal bōrg viterbéś ad Cìvita 'd Bagnrégi, in dua sò pàdar Roberto (Diego Abatantuono) 'l è sìndig. Al ragàs al vrév dir a lò e a sò màdar Anna (Monica Guerritore) ch'l è gay e ch'al gh'à intensiòṅ ad spuśàr Paolo.
Roberto al n la ciàpa minga tant bèṅ, a 'l cuntràri 'd sò mujēr e dal prēt dal paéś, don Francesco (Antonio Catania), inóltar n'èx muróśa 'd Antonio, la Camilla (Beatrice Arnera), la fà da tut par métar-'g i bastòṅ in mèś a 'l rōdi. Anc la màd'r ad Paolo (Rosaria D'Urso) la n è minga 'd acòrd esénd ch'l è di an ch'la s è daśgustàda sèg. Par l'urganiśasiòṅ dal matrimòni, lʼAnna la vōl a tut i cóst ciamàr un wedding planner famóś dla televiśiòṅ (Enzo Miccio).