Pulse (film 2006)
|
C'l artìcul chè 'l è scrit in
Miranduléś |
 Pulse | ||
.png) La Kristen Bell in na figùra dal film | ||
| Impùls 2006 | ||
|---|---|---|
| Regìa: Jim Sonzero | ||
| Scritōr: Kiyoshi Kurosawa Wes Craven • Ray Wright | ||
| Atōr: Kristen Bell • Ian Somerhalder • Ron Rifkin Rick Gonzalez • Christina Milian • Kel O'Neill Samm Levine • Brad Dourif • Jonathan Tucker | ||
| Müsica: Elia Cmiral | ||
| Léngua: Ingléś | ||
| Dürä dal film: 90 minüt | ||
| Nasiōṅ: Stat Unî | ||
Pulse (Impùls) 'l è 'n film ad scarésa americàṅ dal 2006 ad Jim Sonzero, arfacimènt dna pelìcula giapunéśa dal 2001 ciamàda Kairo. Al gh'à abû dū séguit in dal 2008 vgnû fóra diretamènt p'r al marcâ d'l home video: Pulse 2: Afterlife e Pulse 3.
Custâ vint migliòṅ ad dòlar a 'l incìrca, al film al 'n à pò muciâ sù trénta.
Sunt
[mudéfica la surzéia]Al studènt universitàri Josh Ockmann (Jonathan Tucker), mént'r in bibliutéca 'l è drē a pascàr un sèrt Douglas Ziegler (Kel O'Neill), al patìs 'l atàc 'd un fantàśma cun la fórma umàna ch'al gh ciùcia via la sò fòrsa vitàla. Soquànt dè dòp la sò muróśa Mattie Webber (Kristen Bell) la 'l và a catàr a cà sua e lò al s impìca méntar lē l'éra drē a spetàr in cuśìna.
In séguit la ragàsa e 'l sò grup 'd amìg, lʼIsabelle (Christina Milian), Stone (Rick Gonzalez) e Tim (Samm Levine), i ricév'n in chat di mesàǵ ad lò ch'al dmanda ajùt. La Mattie, cardénd ch'i mesàǵ i siàn frut 'd un vìrus infurmàtig partî da 'l sò computer, la và a pascàr-al par śmursàr-al ma la vîṅ a savēr ch'in cal méntar la padròna 'd cà (Octavia Spencer) la 'l à vindû a 'n śōvan ciamâ Dexter McCarthy (Ian Somerhalder).
Quànd la ragàsa la và da lò p'r avēr indrē al computer, i dū i védan ch'in dal disc fis a gh'è di vìddeo ad gint ch'la s tōś la vita e pò anc di filmâ 'd Josh ch'al diś ch'l éra drē a lauràr a 'l traśmisiòṅ in banda élta par mandàr di segnài via internet o c'n i telefunèṅ, dand via a 'n cuntàt fra 'l régn di viṿ e qvél di mòrt, cun lōr prònt a insilsàr-'s-ag dèntar.