Pronti a tutto
|
C'l artìcul chè 'l è scrit in
Miranduléś |
 Downtown
| ||
| Pronti a tutto | ||
 Edwards e la Miller in na figùra dal film | ||
| Prònt a tut 1990 | ||
|---|---|---|
| Regìa: Richard Benjamin | ||
| Scritōr: Nat Mauldin | ||
| Atōr: Anthony Edwards • Forest Whitaker Penelope Ann Miller • Joe Pantoliano • Art Evans David Clennon • Rick Aiello • Roger Aaron Brown | ||
| Müsica: Alan Silvestri | ||
| Léngua: Ingléś | ||
| Dürä dal film: 96 minüt | ||
| Nasiōṅ: Stat Unî | ||
Pronti a tutto (Prònt a tut) 'l è 'n drama 'd asiòṅ americàṅ dal 1990 ad Richard Benjamin, al secónd film cun la còpia Anthony Edwards e Forest Whitaker ch'i ìvan bèla laurâ insèm in dla pelìcula Fuori di testa dal 1982.
Custâ déś migliòṅ ad dòlar, al film al 'n à fat pò sù dū e tri.
Sunt
Alex Kearney (Anthony Edwards) 'l è 'n śōv'n ad Filadèlfia tut priciśèṅ ch'al fà 'l pulisiòt in dal quartēr bèṅ ad Bryn Mawr. La sò muróśa, la Lori Mitchell (Penelope Ann Miller), l'è dimóndi ligàda a lò ma la vrév ch'al mulìs incòśa par studiàr léǵ parchè la gh'à sèmpar paùra ch'a gh pòsa sucédar quèl in servìsi.
Un dè Alex al s mét in di guàj vlénd far na multa a 'l migliardàri Jerome Sweet (David Clennon) ch'l andàva tròp fòrt in màchina. Esénd che chi lò 'l è 'n pès grôs dla sità, fiōl 'd un pulisiòt a sò vòlta, al fà in manéra che Alex al véggna casâ via da 'l sò pòst e trasferî in dal quartēr malfamâ e pòv'r ad Downtown. Chè Kearney al taca a lauràr in còpia insém a 'n agìnt ad culōr, Dennis Curren (Forest Whitaker), ch'l è dal tut difarènt da lò parchè da spés 'l agìs sénsa tgnir a mènt al règhli quànd al ciàpa di delinquènt. I dū pulisiòt i s mét'n a indagàr su 'n gir ad sparisiòṅ ad Mercedes ch'i finìsan sèmp'r in Sud-Amèrica. A cap dl'urganiśasiòṅ, insaplàda in un tràfic ad dròga, a gh'è Sweet in parsòna, jutâ da di pulisiòt curót e da 'n sasèn ciamâ White (Joe Pantoliano).