Pôrta Bernòun

Artécol in dialèt arzân

Pôrta Bernòun o Pôrta Brenòun (Porta Brennone in italiân) l'é óna dal pôrti dal sucōrs da mûri ed Rèz, che a cumbînen, cme percōrs, a i viêl ed la circuvalasiòun dal dé 'd incō.

Stôria

Pôrta Brenòun l'ēra int la zôna a mezdé dal cèinter stôrich ed Rèz, lòngh a la strêda ch' la purtêva a Queriêgh. In urégin aşvèin a la pôrta a gh'ēra un pûnt ch' al traversêva al Cròstel, préma ch' al gnés e-spustê in dó l'é a dès. L' é stêda avêrta int al 1219 dal podestê ed la sitê, al luchèiş Lazzaro Gherardini. Probabilmèint in urégin al nòm ed la pôrta l'ēra ciamêda Bernone nòm ed 'na faméj arzâna (d'ed ché ânch al nòm in dialèt dal dé 'd incō). Suplîda insèm al j êtri pôrti pió céchi cun la costrusiòun dal mûri nōvi, la vîn squacêda int al 1891 cun la zachêda generêla dal bastiòun ed Sânt' Agustèin. L'ēra ed 'n' archêda sōl fâta a pûnta, vistîda in prēda. Int al 1923 è stê decîş ed butêr zò i rèst ch'ēren in un şlêregh che al dé 'd incō l'é piâsa Fiume.

Elèin di léber

Giorgio Casamatti, Reggio Emilia com'era, MUP, 2011

Vōş coleghêdi

Nôta: cla pâgina ché l'é stêda inviêda cun 'na tradusiòun da Porta Brennone trâta da it.wikipedia.org.
Guêrda la stôria ed la pâgina uriginêla per cgnòser l'elèinch 'd j autōr.