Piâsa Grânda (Rèz)

C'l artìcul chè 'l è scrit in Arzân

Piâsa Prampulèin (Piazza Prampolini in Italiân) ciamêda da j arzân Piâsa Grânda (Piazza Grande in italiân), o ânca Piâsa dal Dôm, l'é 'na piâsa ed Rèz.

L'é ciamêda acsé in cuntrâst cun Piâsa Céca, e l’à ciapê la fōrma e l’aspèt dal dé d’incō ind al peréiod dal rinasimèint. Insém a sté piâsa a dân i pió impurtânt palâs ed la véta polética e religiōṣa ed la sitê.

Tra chiêter al Dôm e al palâs veschvêl in dóve a’s pōl amirêr al Batistèri fât int al medioēv e restarvê da pôch tèimp.

Int la pêrta a mezanôt a gh’é al Palâs dal Mûnt, dóve a gh'é la tòra cévica cun l’arlòj. Da cl’êtra pêrt a gh'é al Palâs dal Municépi, cun la Sêla dal Triculōr e ‘d fiânch la Tòra dal Burdèl.

Ind la pêrta sîra ed la Piâsa ed frûnt al Dôm a gh’é al Palâs dal Notaréi, l’antîgh palâs ed la categoréia di nudêr e dal Palâs dal Podestê. Da la pêrt dal Palâs dal Mûnt gh’é la statva dal Cròstel mununèint chêr a j arzân, ch’ al rapreṣèinta al fióm che, tèimp indrē, al traversêva la sitê.

La Piâsa vésta da via Farini
La Tòra dal Burdèl
La Piâsa vésta da via Carducci
La Piâsa vésta da via Corridoni
Stâtva dal Cròstel
Palâs dal Mûnt

Nôta: cla pâgina ché l'é stêda inviêda cun 'na tradusiòun da Piazza del Duomo (Reggio Emilia) trâta da it.wikipedia.org.
Guêrda la stôria ed la pâgina uriginêla per cgnòser l'elèinch 'd j autōr.