Pirùca
|
C'l artìcul chè 'l è scrit in
Miranduléś |
.jpg)
La Pirùca 'l è 'n quèl ch'al s mét in cô p'r avēr di cavìi nóṿ ad sōvar 'd qvéi naturài o a 'l sò pòst s'i èṅ crudâ tut o in part par di mutìṿ genètic, ad stress o par di tratamènt mèdag cuma la chèmio. La pōl èsar fata 'd cavìi umàṅ (i vànan fòrt qvéi dal dóni indiàni), da pēi 'd cavàl o 'd materiàł sintètig.
L'è druàda par di mutìṿ estètig, ad mòda, par far i cretèṅ, religióś o anc par salvàr e prutèś'r i cavìi da gl'agìnt atmusfèric (a sucéd specialmènt a i négar). La s tîṅ sòdi a la pèl dal crani druànd dla còla o dal lasi.
Anc in di tèmp antìg di egisiàṅ, di asîr e di rumàṅ la gint la li druàva. Al pirùchi 'd chi óm, ch'i pèrd'n i cavìi par via di fulìcui dla tèsta sensìbil a 'l testusteròṅ, i èṅ ciamàdi toupet.