Piper Laurie
|
C'l artìcul chè 'l è scrit in
Miranduléś |
La Rosetta Jacobs, cgnusùda méj cuma Piper Laurie (Detroit, 22 ad Śnar dal 1932 - Los Angeles, 14 'd Utóbar dal 2023, a s lèś [ˈpaɪpə ˈlɔːri] in ingléś), l'è stada n'atōra americàna, candidàda a tri Prèmi Òscar p'r i film Lo spaccone, Carrie - Lo sguardo di Satana e Figli di un dio minore e vinsidōra 'd un Golden Globe par la série I segreti di Twin Peaks.
Biugrafìa
[mudéfica la surzéia]Uriginària dna famìja dal Mìchigan, sò pàd'r Alfred Jacobs, ebrèj cun dal raìś pulàchi, al vindìva dal cà méntar sò màdar Charlotte Sadie Alperin l'éra rusa. A siē an i vàn'n a star in Califòrgna e lē da śōvna la stùddia recitasiòṅ par pò tacàr a lauràr a Hollywood.
L'è prutagunìsta insém a Ronald Reagan dla cumèdia Amo Luisa disperatamente (1950) 'd Alexander Hall, pò in dal 1952 la gira dū film par Douglas Sirk: la cumèdia Il capitalista a fiànc ad Rock Hudson e Non c'è posto per lo sposo in còpia cun Tony Curtis. In dal 1961 la rècita cun Paul Newman in Lo spaccone ad Robert Rossen, film ch'la gh fruta na candidadùra a i Academy Award.
In dal 1976 Brian De Palma al la sarnìs p'r al sò film ad scarésa Carrie - Lo sguardo di Satana in dua lē la fà una c'n al ciòld fis par la religiòṅ, màdar dla prutagunìsta Sissy Spacek. Par cla part chè la vîṅ numinàda a i Prèmi Òscar. In dal 1977 l'è impgnàda incóra in un film ad scarésa dramàtic, Ruby ad Curtis Harrington, pò c'n un śōvan Mel Gibson la tōś part a Tim - Un uomo da odiare (1979).
A la mità di an Utànta, dòp trént'an ad caréra a 'l cìnema, la taca a lauràr da spés in televiśiòṅ, cuma in di telefìlm La signora in giallo e Ai confini della realtà e in dla minisérie Uccelli di rovo cun Richard Chamberlain. In dal 1986 la vins 'n Emmy Award p'r al film TV La promessa e la tōś part insém a William Hurt a Figli di un dio minore, pelìcula premiàda a 'l Fèstival 'd Berlîṅ cun 'n Ōrs 'd Argìnt. Par la part dla màdar dla Marlee Matlin la ciàpa na tèrsa nomination a i Òscar ma, incóra na vòlta, l'armàgn a bèc sut.
Da i an Nuànta in avànti la s fà cgnós'r anc da 'n pùblic più śōvan tulénd part a la série cult I segreti di Twin Peaks e a 'l thriller Trauma (1993) ad Dario Argento in dua la fà la màdar dl'Asia Argento. In di ùlt'm an dla sò caréra l'à fat la màdar dal dutōr Ross (George Clooney) in E.R. - Medici in prima linea e pò na dóna catìva in Law & Order. L'à girâ anc na putàda da guest-star in Will & Grace.
In dal 2006 l'à curâ da regìsta un curtumetràǵ da 'l tìtul Property.
Filmugrafìa
[mudéfica la surzéia]
.png)
- 1950 - Amo Luisa disperatamente (Louisa), regìa 'd Alexander Hall
- 1950 - Il lattaio bussa una volta (The Milkman), regìa ad Charles Barton
- 1951 - Francis alle corse (Francis Goes to the Races), regìa 'd Arthur Lubin
- 1951 - Il principe ladro (The Prince Who Was a Thief), regìa ad Rudolph Maté
- 1952 - Non c'è posto per lo sposo (No Room for the Groom), regìa ad Douglas Sirk
- 1952 - Il capitalista (Has Anybody Seen My Gal?), regìa ad Douglas Sirk
- 1952 - Il figlio di Alì Babà (Son of Ali Baba), regìa ad Kurt Neumann
- 1953 - L'avventuriero della Luisiana (The Mississippi Gambler), regìa ad Rudolph Maté
- 1953 - La spada di Damasco (The Golden Blade), regìa ad Nathan Juran
- 1954 - Agente federale X3 (Dangerous Mission), regìa ad Louis King
- 1954 - Bolide rosso (Johnny Dark), regìa ad George Sherman
- 1954 - Alba di fuoco (Dawn at Socorro), regìa ad George Sherman
- 1955 - Segnale di fumo (Smoke Signal), regìa ad Jerry Hopper
- 1955 - Non è peccato (Ain't Misbehavin), regìa 'd Edward Buzzell
- 1957 - Il mio amico Kelly (Kelly and Me), regìa ad Robert Z. Leonard
- 1957 - Quattro donne aspettano (Until They Sail), regìa ad Robert Wise
- 1961 - Lo spaccone (The Hustler), regìa ad Robert Rossen
- 1976 - Carrie - Lo sguardo di Satana (Carrie), regìa ad Brian De Palma
- 1976 - The Woman Rebel, regìa ad Francis Gladstone
- 1977 - Ruby, regìa ad Curtis Harrington
- 1978 - The Boss' Son, regìa ad Bobby Roth
- 1979 - Tim - Un uomo da odiare (Tim), regìa ad Michael Pate
- 1985 - Nel fantastico mondo di Oz (Return to Oz), regìa ad Walter Murch
- 1985 - Per amore di Mary (Love, Mary), regìa ad Robert Day – film TV
- 1985 - La forza d'amare (Toughlove), regìa ad Glenn Jordan – film TV
- 1986 - La promessa (Promise), regìa ad Glenn Jordan – film TV
- 1986 - Figli di un dio minore (Children of a Lesser God), regìa dla Randa Haines
- 1987 - Deviazioni (Distortions), regìa 'd Armand Mastroianni
- 1988 - Appuntamento con la morte (Appointment with Death), regìa ad Michael Winner
- 1988 - Il ritorno di Tiger (Tiger Warsaw), regìa 'd Amin Q. Chaudhri
- 1988 - L'ultima estate del mio bambino (Go Toward the Light), regìa ad Mike Robe – film TV
- 1989 - Un piccolo sogno (Dream a Little Dream), regìa ad Marc Rocco
- 1990 - Io e Charlie (Rising Son), regìa ad John David Coles – film TV
- 1991 - I soldi degli altri (Other People's Money), regìa ad Norman Jewison
- 1992 - Il mistero di Storyville (Storyville), regìa ad Mark Frost
- 1992 - Cambiar vita (Rich in Love), regìa ad Bruce Beresford
- 1993 - Trauma, regìa ad Dario Argento
- 1993 - Ricordando Hemingway (Wrestling Ernest Hemingway), regìa dla Randa Haines
- 1993 - Bugie d'amore (Love, Lies & Lullabies), regìa ad Rod Hardy – film TV
- 1994 - Un cuore diviso (Shadows of Desire), regìa ad Sam Pillsbury – film TV
- 1995 - Una figlia contro (Fighting for My Daughter), regìa ad Peter Levin – film TV
- 1995 - 3 giorni per la verità (The Crossing Guard), regìa ad Sean Penn
- 1995 - Storie d'amore (The Grass Harp), regìa ad Charles Matthau
- 1996 - La strada per Galvestone (The Road to Galveston), regìa ad Michael Toshiyuki Uno – film TV
- 1996 - Amiche per la vita (In the Blink of an Eye), regìa ad Micki Dickoff – film TV
- 1997 - St. Patrick's Day, regìa dla Hope Perello
- 1997 - Intensity, regìa 'd Yves Simoneau – film TV
- 1997 - La stella di Natale (A Christmas Memory), regìa ad Glenn Jordan – film TV
- 1998 - The Faculty, regìa ad Robert Rodriguez
- 1999 - Palmer's Pick Up, regìa ad Christopher Coppola
- 1999 - ...E l'uomo creò Satana (Inherit the Wind), regìa ad Daniel Petrie – film TV
- 1999 - The Mao Game, regìa ad Joshua John Miller
- 2000 - Virus mortale (Possessed), regìa ad Steven E. de Souza – film TV
- 2001 - Crimini d'amore (Midwives), regìa ad Glenn Jordan – film TV
- 2001 - L'ultimo fabbricante di mattoni (The Last Brickmaker in America), regìa ad Gregg Champion – film TV
- 2004 - Eulogy, regìa ad Michael Clancy
- 2006 - The Dead Girl , regìa dla Karen Moncrieff
- 2007 - Hounddog, regìa dla Deborah Kampmeier
- 2009 - Saving Grace B. Jones, regìa dla Connie Stevens
- 2010 - Hesher è stato qui (Hesher), regìa ad Spenser Susser
- 2010 - L'alba di un vecchio giorno (Another Harvest Moon), regìa ad Greg Swartz
- 2012 - Bad Blood, regìa ad Conrad Janis
- 2018 - Cocaine - La vera storia di White Boy Rick (White Boy Rick), regìa ad Yann Demange
Culegamènt estéran
[mudéfica la surzéia]Àtar prugèt
[mudéfica la surzéia]
Wikimedia Commons contiene file multimediali su Piper Laurie
