Pina Bausch
|
C'l artìcul chè 'l è scrit in
Miranduléś |
La Philippine Bausch, cgnusùda méj cuma Pina Bausch (Solingen, 27 ad Luj dal 1940 - Wuppertal, 30 ad Śugn dal 2009), l'è stada na balarìna, cureógrafa e insgnànta tedésca, uriginària dla Renàgna Setentriunàla-Vestfàglia.
Dòp avēr studiâ 'l balét a Essen e avēr laurâ in di Stat Unî, in dal 1973 l'à dâ vita a Wuppertal a 'l Tanztheater, curànd-an la diresiòṅ e dand urìgin a 'l stîł dal “teàtar-balét”, difarènt da 'l balét e da la dansa mudèrna parchè al mìsćia insém al bal, la recitasiòṅ e di elemènt teatrài e dal drama, druànd anc la paròla.
L'à laurâ cun sucès in di teàtar ad tut al mónd, Róma, Palèrum, Madrìd, Viéna, Los Angeles, Hong Kong, Liśbóna e Bùdapest, purtànd i sò spetàcui cuma Le sacre du printemps (1975) o Café Müller (1978) su la mùśica 'd Henry Purcell.
A 'l cìnema l'à tòlt part a 'l pelìculi E la nave va ad Federico Fellini e Parla con lei ad Pedro Almodóvar.
L'è mòrta p'r un cànc'r a i palmòṅ quànd la gh'iva ssant'òt an.
Filmugrafìa
[mudéfica la surzéia]- 1960 - The Green Table, regìa ad Peter Wright - film TV
- 1983 - E la nave va, regìa ad Federico Fellini
- 1985 - Cafe Müller, regìa dla Pina Bausch
- 2002 - Parla con lei (Hable con ella), regìa ad Pedro Almodóvar
- 2011 - Pina, regìa ad Wim Wenders - ducumentàri