Pi grēc

Da Wikipedia.
(Reindirizzamento da Pi grêc)
C'l artìcul chè 'l è scrit in Carpśàn Emiliàn
El miśurasiòun c'n al π in sìm'a 'l sērć, atàc a la só sirconferèinsa

Al Pi grēc 'l è 'n nùmer costànt edla matemàtica scrìt druènd la lettra gréca π (al s pōl scrìver anc pi quand a n's gh'à mìa dispunìbil el lettri gréchi), druê tantìsim in dla matemàtica e in dla fìśica.

In dla giumetrìa dal piàṅ, a s definìs al π c'ma 'l rapòrt edla sircunferèinsa c'n al diàmeter 'd un sérć, o anca c'ma l'àrea 'd un sérć ed râǵ cumpàgn a 1.

Proprietê

  • Al π 'l è 'n nùmer irasiunêl, c'ma dir ch'al n'pōl briśa èser scrìt c'ma 'l quosiìnt ed dū nùm'r intér.
  • Al π 'l è 'n nùmer trasendèint, c'ma dir ch'al n'è mìa 'n nùmer algèbric (i n'gh'ìn mìa di polinòmi cun di coèficèint rasionē ch'i gh'apièn per raîś al π). Dòunca, 'l è impusìbil ed catèr al π druènd un nùmer finî 'd intēr, ed frasiòun e dal lōr raîś; 'l è dòunca anca impusìbil quadrèr al sérć cun un nùmer finî 'd operasiòun druènd la rìga e 'l cumpâs.

Al só valōr

Sènd al π ed natùra trasendèinta, in di calcol numèric a bśògna druèr-en dàgli aprosimasiòun. Al più dal volti, l'aprosimasiòun 3,14 l'è abasta, ma dimòndi inśgnēr i dróven despès 3,1416 o méj incòr 3,14159 (più precìś incòr).

Colegamèint estèren