Phil Thornalley

 Miranduléś

C'l artìcul chè 'l è scrit in Miranduléś

Phil Thornalley tòlt śò in dal 1988

Phil a i RAK studios durànt la prudusiòṅ ad Pornography

«

We move like cagey tigers, oh, we couldn't get closer than this, the way we walk, the way we talk, the way we stalk, the way we kiss, we slip through the streets while everyone sleeps, getting bigger and sleeker and wider and brighter, we bite and scratch and scream all night, let's go and throw all the songs we know.»

(EN)(The Lovecats, 1983)

«

A s muvém cuma dal tigri furbi, oh, a n psìvan mia davśinàr-as da piò, la manéra ch'a girém, ch'a dascurém, ch'a dém adòs, ch'a baśém, a ślicém via p'r al stradi in dal méntar ch'i dòrman tut, dvintànd più grand e più elegànt e più ślargâ e più luśènt, a murśghém e a śgranfgném e a sighém tuta nòt, andém a butàr via tut al canti ch'a cgnusém.»

(MUD)

Phillip Carden Thornalley (Worlington, 5 ad Śnar dal 1960) 'l è 'n muśicìsta, sunadōr, prudutōr, cantànt e basìsta ingléś.

Biugrafìa

Phil al taca a davśinàr-'s a 'l mónd dla mùśica in dal 1978 quànd da i RAK Studios ad Lóndra al lavóra cun Mickie Most e Steve Lillywhite.

In dal 1982 al dvènta 'l prudutōr dal disc icònic di The Cure Pornography e dal sìngul The Hanging Garden. A séguit dla litgàda fra Simon Gallup e Robert Smith, ch'i rìv'n anc a piciàr-as, al fà 'l sò ingrès in dal grup cuma basìsta. 'L an dòp al prudûś al braṅ The Love Cats sunànd al cuntrabàs in cal sìngul chè, nùmar sinc in dal clasìfichi dal Régn Unî. Cal pès chè, insém a Speak My Language sunâ da lò, al finìs in dla racòlta Japanese Whispers dal 1983.

In dal 1984 Thornalley al regìsta 'l àlbum The Top e 'l và in tournée c'n i Cure ma pò al decìd ad far-as da part. Sèmp'r in c'l an lè 'l è 'l prudutōr dal disc di Duran Duran Seven and the Ragged Tiger e 'd Into the Gap di Thompson Twins.

In dal 1988 al pasa a far al cantànt dal grup Johnny Hates Jazz dòp la parténsa 'd qvél vèć, Clark Datchler.

La sò caréra la cuntìnua sèmpar cuma prudutōr, mixerìsta e scritōr ad cansòṅ par di artìsta cuma Sting, Ronan Keating, Prefab Sprout, The Psychedelic Furs, Bryan Adams, Cyndi Lauper, Ash, Melanie C e la Natalie Imbruglia ch'la tîṅ a batéś in di pès Torn, Big Mistake e That Day.

Discugrafìa

Àlbum c'n i The Cure

• 1982 - Pornography - prudusiòṅ
• 1983 - Japanese Whispers - racòlta
• 1984 - The Top
• 1984 - Concert: The Cure Live - da 'l viṿ

Culegamènt estéran

• (EN) La sò paśna su Discogs