Peter Sarsgaard

C'l artìcul chè 'l è scrit in Miranduléś

John Peter Sarsgaard (Belleville, 7 ad Mars dal 1971, a s lèś [d͡ʒɑn ˈpiːtə ˈsɑːrzɡɑːrd] in ingléś) 'l è 'n atōr americàṅ, candidâ a i Golden Globe dal p'r al biugràfic L'inventore di favole e vinsidōr dla cópa Volpi a l' 80^śma edisiòṅ dal Fèstival ad Venèsia p'r al drama sentimentàł Memory (2023).

In dla sò caréra, tacàda a la mità di an Nuànta, 'l à laurâ a Hollywood ma anc in televiśiòṅ e a teàtar.

Biugrafìa

Sarsgaard al nas in Illinòis da na famìja cun di urìgini danéśi a la luntàna. Par via dal lavōr ad sò pàdar, inśgnēr, da śōvan 'l è custrét a spatinàr dimóndi vòlti, pò al và a studiàr in soquànt istitùt catòlig, dòp avēr anc fat al chirichét da pìcul. Prima 'd laureàr-'s in stòria a la Washington University al fà di studi 'd recitasiòṅ ch'i gh vìnan còmad quànd al và a star a New York par lauràr a teàtar.

A 'l cìnema al s è fat nutàr subìt tulénd part a 'l drama Dead Man Walking - Condannato a morte (1995), a fiànc dla Susan Sarandon e 'd Sean Penn, e pò in dal 1998 in dal stòric La maschera di ferro (1998) cun Leonardo DiCaprio e in dal pulisiésc Un altro giorno in paradiso, insém a James Woods e a la Melanie Griffith.

In dal 1999 'l à fat la part dal delinquènt stupradōr dla masćiùsa Hilary Swank in dal biugràfic Boys Don't Cry, tìtul trat da na canta di The Cure ch'la s cata in dla culòna sunóra.

'L an dòp al pasa a 'l thriller faghénd la part dal muróś dla Tara Subkoff in The Cell - La cellula, pelìcula cun la Jennifer Lopez, Vince Vaughn e Vincent D'Onofrio.

In dal 2002 'l à incruśâ John Leguizamo, la Denise Richards, l'Isabella Rossellini e la Sônia Braga laurànd in dal thriller Empire - Due mondi a confronto e pò Val Kilmer e la Deborah Kara Unger in dal drama Salton Sea - Incubi e menzogne. Sèmp'r in c'l an lè 'l à fat un sasèṅ seriàł in dla cumèdia Insieme per caso cun Rupert Everett e la Kathy Bates e 'l tenènt Radtchenko in dal drama K-19 dirèt par la Kathryn Bigelow.

In dal 2004 'l à recitâ la part ad Clyde Martin, cavànd-'s anc śò nûd, in dal biugràfic Kinsey su la vita dal sesuòlug Alfred Kinsey interpretâ par Liam Neeson. 'L an dòp 'l à girâ i thriller Flightplan - Mistero in volo, cun la Jodie Foster, e The Skeleton Key a fiànc dla Kate Hudson, e pò anc al film ad guèra Jarhead, cun prutagunìsta Jake Gyllenhaal, e la cumèdia La mia vita a Garden State.

Dal 2008 'l è 'l drama sentimentàł ch'l à fat cun Ben Kingsley e la Penélope Cruz, Lezioni d'amore, méntar dal 2009 'l è invéci 'l thriller L'occhio del ciclone - In the Electric Mist in du 'l à recitâ insém a Tommy Lee Jones.

In dal 2009 al fà la part dal pàd'r ad famìja ch'l adòta n'òrfna dna cativèria mai vista in dal film ad scarésa Orphan. Dū an dòp al s mét adòs i pagn dal siensiâ Hector Hammond in dal film fantàstic Lanterna Verde, persunàǵ di fumét dla DC Comics Lantèrna Vérda interpretâ par Ryan Reynolds.

In dal 2013 al fà 'l marè dl'atōra pòran Linda Lovelace in dal biugràfic Lovelace, film cun l'Amanda Seyfried, la Sharon Stone, Adam Brody e James Franco, e pò al lavóra cun Woody Allen e la Cate Blanchett in dla cumèdia dramàtica Blue Jasmine.

In dal 2016 al fà la part ad Robert Kennedy in dal biugràfic Jackie, cun la Natalie Portman in di pagn dla Jacqueline Kennedy, méntar 'l an dòp al gira Escobar - Il fascino del male a fiànc dla còpia Javier Bardem e Penélope Cruz.

In dal 2022 'l à girâ The Batman cun Robert Pattinson ch'al fà 'l persunàǵ ad Batman. In dal 2024 'l à tòlt part da prutagunìsta a September 5 - La diretta che cambiò la storia, pelìcula candidàda a i Prèmi Òscar par la senegiadùra su 'l masèl ad Mònag 'd Bavéra durànt i Śōg Ulìmpig dal 1972.

'L à tòlt anc part i soquànt telefìlm cuma Law & Order - I due volti della giustizia, The Killing, The Slap, The Looming Tower e Interrogation.

In dal 2009, dòp sèt an pasâ insém, al s è spuśâ a Brìndaś cun la culéga Maggie Gyllenhaal, surèla dal sò amìg Jake Gyllenhaal. Insém i gh'aṅ dó fiōli, la Ramona e la Gloria Ray.

Filmugrafìa

1995 - Dead Man Walking - Condannato a morte (Dead Man Walking), regìa ad Tim Robbins
1997 - Subway Stories - Cronache metropolitane (SUBWAYStories: Tales from the Underground), regìa ad regìsta difarènt
1998 - La maschera di ferro (The Man in the Iron Mask), regìa ad Randall Wallace
1998 - Un altro giorno in paradiso (Another Day in Paradise), regìa ad Larry Clark
1998 - Desert Blue, regìa ad Morgan J. Freeman
1999 - Boys Don't Cry, regìa dla Kimberly Peirce
2000 - The Cell - La cellula (The Cell), regìa ad Tarsem Singh
2000 - Housebound, regìa ad Gerard Johnstone
2001 - The Center of the World, regìa ad Wayne Wang
2002 - Empire - Due mondi a confronto (Empire), regìa ad Franc. Reyes
2002 - Salton Sea - Incubi e menzogne (The Salton Sea), regìa ad D.J. Caruso
2002 - Insieme per caso (Unconditional Love), regìa ad P. J. Hogan
2002 - K-19 (K-19: The Widowmaker), regìa dla Kathryn Bigelow
2003 - Death of a Dynasty, regìa ad Damon Dash
2003 - L'inventore di favole (Shattered Glass), regìa ad Billy Ray
2004 - La mia vita a Garden State (Garden State), regìa ad Zach Braff
2004 - Kinsey, regìa ad Bill Condon
2005 - The Dying Gaul, regìa ad Craig Lucas
2005 - Flightplan - Mistero in volo (Flightplan), regìa ad Robert Schwentke
2005 - The Skeleton Key, regìa 'd Iain Softley
2005 - Jarhead, regìa ad Sam Mendes
2007 - Year of the Dog, regìa ad Mike White
2007 - Rendition - Detenzione illegale (Rendition), regìa ad Gavin Hood
2007 - I misteri di Pittsburgh (The Mysteries of Pittsburgh), regìa ad Rawson Marshall Thurber
2008 - Lezioni d'amore (Elegy), regìa dl'Isabel Coixet
2008 - L'occhio del ciclone - In the Electric Mist (In the Electric Mist), regìa ad Bertrand Tavernier
2009 - Orphan, regìa ad Jaume Collet-Serra
2009 - An Education, regìa ad Lone Scherfig
2010 - Innocenti bugie (Knight & Day), regìa ad James Mangold
2011 - Lanterna Verde (Green Lantern), regìa ad Martin Campbell
2012 - Robot & Frank, regìa ad Jake Schreier - vōś
2013 - Lovelace, regìa ad Robert Epstein e 'd Jeffrey Friedman
2013 - Very Good Girls, regìa dla Naomi Foner
2013 - Blue Jasmine, regìa ad Woody Allen
2013 - Night Moves, regìa ad Kelly Reichardt
2014 - La grande partita (Pawn Sacrifice), regìa 'd Edward Zwick
2015 - Experimenter, regìa ad Michael Almereyda
2015 - Ladygrey, regìa 'd Alain Choquart
2015 - Black Mass - L'ultimo gangster (Black Mass), regìa ad Scott Cooper
2016 - I magnifici 7 (The Magnificent Seven), regìa 'd Antoine Fuqua
2016 - Jackie, regìa ad Pablo Larraín
2017 - Escobar - Il fascino del male (Loving Pablo), regìa ad Fernando León de Aranoa
2018 - The Lie (Between Earth and Sky), regìa ad Veena Sud
2019 - Il rumore della vita (The Sound of Silence), regìa ad Michael Tyburski
2019 - L'ombra di Stalin (Mr. Jones), regìa dl'Agnieszka Holland
2019 - Il capitale umano - Human Capital (Human Capital), regìa ad Marc Meyers
2020 - La bugia - The Lie (The Lie), regìa ad Veena Sud
2021 - Harry Haft - Storia di un sopravvissuto (The Survivor), regìa ad Barry Levinson – Film TV
2021 - La figlia oscura (The Lost Daughter), regìa dla Maggie Gyllenhaal
2022 - The Batman, regìa ad Matt Reeves
2023 - Memory, regìa ad Michel Franco
2023 - Coup!, regìa ad Austin Stark e Joseph Schuman
2024 - September 5 - La diretta che cambiò la storia (September 5), regìa ad Tim Mielants
2026 - La sposa! (The Bride!), regìa dla Maggie Gyllenhaal

Culegamènt estéran

(IT) Filmugrafìa in s'l IMDb

Àtar prugèt

Wikiquote contiene citazioni di o su Peter Sarsgaard
Wikimedia Commons contiene file multimediali su Peter Sarsgaard