Peter Baldwin

C'l artìcul chè 'l è scrit in Miranduléś

Peter DuBois Baldwin (Winnetka, 11 ad Śnar dal 1931 - Pebble Beach, 19 ad Nuvémbar dal 2017, a s lèś [ˈpiːtə ˈbɒldwən] in ingléś) 'l è stâ 'n atōr e regìsta americàṅ.

Biugrafìa

Uriginàri d'l Illinòis, da śōv'n al stùddia a l'Università 'd Stanford in Califòrgna faghénd-as nutàr par la sò bravitù in di spòrt par via dal sò fìśic atlètic ch'al gh'à parmìs ad far anc al mudèl. Esénd anc fotogènig, al gh la cava a firmàr un cuntràt cun la Paramount Pictures tacànd a cumparìr in soquànt film anc se cun dal parti cichi cuma 'l noir Furore sulla città (1952) e 'l drama 'd guèra Stalag 17 (1953), cun prutagunìsta William Holden, al biugràfic Il mago Houdini (1953), cun la còpia Tony Curtis e la Janet Leigh, o I dieci comandamenti (1956), cun Charlton Heston in di pagn ad Muśè.

In di an Ssanta al cata l'Amèrica in Itàglia quànd Roberto Rossellini 'l al sarnìs insém a la Giovanna Ralli p'r al drama Era notte a Roma (1960) in dla part dal tenènt Peter Bradley lugâ in un tasèl mòrt p'r a n èsar minga catâ da i naśìsta. Baldwin al gira soquànt film da 'l nòstri bandi cuma Un amore a Roma (1960), cun l'Elsa Martinelli, la cumèdia I soliti rapinatori a Milano (1961), insém a la Jacqueline Sassard, al film ad scarésa Lo spettro (1963), in còpia cun la Barbara Steele, al śal La donna del lago (1965), laurànd cun la Valentina Cortese, Philippe Leroy e la Virna Lisi, e 'l grutésc Roma bene (1971), pelìcula cun Nino Manfredi e l'Irene Papas.

Dòp avēr spuśâ la fiōla 'd Vittorio De Sica, l'Emilia, al taca a far-'s i òs a la regìa jutànd-'l in dal pelìculi Sette volte donna e Amanti par pò turnàr a vìv'r in di Stat Unî tacànd na caréra da regìsta in àmbit televiśìṿ ch'al gh'à frutâ 'n Emmy Award per la série Blue Jeans.

Filmugrafìa

cuma atōr

1952 - Furore sulla città (The Turning Point), regìa ad William Dieterle
1953 - L'isola del piacere (The Girls of Pleasure Island), regìa 'd Alvin Ganzer e 'd F. Hugh Herbert
1953 - Stalag 17, regìa ad Billy Wilder
1953 - Il mago Houdini (Houdini), regìa ad George Marshall
1953 - Per ritrovarti (Little Boy Lost), regìa ad George Seaton
1956 - I dieci comandamenti (The Ten Commandments), regìa ad Cecil B. DeMille
1957 - Scorciatoia per l'inferno (Shortcut to Hell), regìa ad James Cagney
1957 - Il segno della legge (The Tin Star), regìa 'd Anthony Mann
1958 - 10 in amore (Teacher's Pet), regìa ad George Seaton
1958 - I figli dello spazio (The Space Children), regìa ad Jack Arnold
1958 - Ho sposato un mostro venuto dallo spazio (I Married a Monster from Outer Space), regìa ad Gene Fowler Jr.
1959 - L'agguato (The Trap), regìa ad Norman Panama
1960 - Era notte a Roma, regìa ad Roberto Rossellini
1960 - Un amore a Roma, regìa ad Dino Risi
1962 - Quattro notti con Alba, regìa ad Luigi Filippo D'Amico
1963 - I soliti rapinatori a Milano, regìa ad Giulio Petroni
1963 - Lo spettro, regìa ad Riccardo Freda
1965 - La donna del lago, regìa ad Franco Rossellini e 'd Luigi Bazzoni
1970 - Concerto per pistola solista, regìa ad Michele Lupo
1971 - Roma bene, regìa ad Carlo Lizzani
1972 - Il caso Mattei, regìa ad Francesco Rosi

cuma regìsta

1997 - Piacere, Wally Sparks (Meet Wally Sparks)

Culegamènt estéran

(IT) Filmugrafìa in s'l IMDb

Àtar prugèt

Wikiquote contiene citazioni di o su Peter Baldwin
Wikimedia Commons contiene file multimediali su Peter Baldwin