Perry Bamonte

C'l artìcul chè 'l è scrit in Miranduléś

«

There was a moment, there always is, when time stood still and always was this, one endless moment, you turn in pain and I always let you go over and over again, a year ago tonight we lay below this same remembering sky, I kissed you, you never wanted me to know..»

(EN)(Anniversary, 2004)

«

A gh'è stâ 'n mumènt, al gh'è sèmpar, quànd al tèmp al s è farmâ e 'l è sèmpar stâ qvést chè, 'n àtim infinî, ta t pril da 'l dulōr e mè at las sèmp'r andàr, incóra e incóra, cla sira chè d'n an fà a stàvan sóta cal cēl chè di arcòrd, a t ò baśâ, ta n à mai vlû ch'a 'l saìs.»

(MUD)

Perry Archangelo Bamonte, cgnusû anc c'n al nóm ad Teddy (Lóndra, 3 ad Setémbar dal 1960), 'l è 'n chitarìsta, tasterìsta e basìsta ingléś, mémbar di The Cure da 'l 1990 a 'l 2005 e da 'l 2022 a vgnir a 'dès. 'L è anc al basìsta dal supergrùp di Love Amongst Ruin.

Biugrafìa

Fradèl più grand ad Daryl Bamonte, tour manager di Depeche Mode e di The Cure, Perry al dvènta in dal 1984 al tècnig dla chitàra 'd Robert Smith durànt i sò cuncèrt. Quànd al tasterìsta Roger O'Donnell al lasâ i Cure in dal 1990 lò al tōś al sò pòst, esénd anc bòṅ ad sunàr la chitàra.

Al prim disc ad Bamonte c'n al grup 'l è Wish dal 1992, pò i rìv'n anc Wild Mood Swings (1996), Bloodflowers (2000) e The Cure (2004). Ad chi disc chè lò al scriv al demo di pès Trust, This Is A Lie e Anniversary.

In dal 2005 al vîṅ lasâ a cà insém a O'Donnell da Robert Smith ch'al pascàva 'n sòṅ difarènt p'r al grup.

In dal Maǵ dal 2012 al s unìs cuma basìsta a i Love Amongst Ruin, tulénd al pòst dla Teresa Morini.

P'r al tour dal 2022 di The Cure ciamâ Shows of a Lost World al tórna in dal grup, sunànd tastéri e chitàra. Al n tōś però minga part a 'l registrasiòṅ dal disc Songs of a Lost World dal 2024 parchè al canti i éran praticamènt bèla finìdi in dal 2019.

Discugrafìa

Àlbum c'n i The Cure

1992 - Wish
1996 - Wild Mood Swings
2000 - Bloodflowers
2004 - The Cure

Àlbum c'n i Love Amongst Ruin

2015 - Lose Your Way

Culegamènt estéran

(EN) La sò paśna su Discogs