Peppino Di Capri
|
C'l artìcul chè 'l è scrit in
Miranduléś |
Giuseppe Faiella, cgnusû méj c'n al nóm 'd art ad Peppino di Capri (Capri, 27 ad Luj dal 1939 - Capri, 11 ad Luj dal 2026, a s lèś [pepˈpiːno di ˈkaːpri] in itagliàṅ), 'l è stâ 'n cantànt, pianìsta e atōr itagliàṅ, espunènt dla cansòṅ napulitàna, alśēra e twist.
In dla sò caréra, duràda dagnóra stant'an, 'l à fat vgnir fóra trénta-nóṿ àlbum in studi e tri da 'l viṿ, vinsénd al Fèstival dla Cansòṅ Napuletàna in dal 1970 c'n al braṅ Me chiamme ammore e 'l Fèstival ad Sanrémo in dal 1973 cun Un grande amore e niente più e in dal 1976 cun Non lo faccio più. Fra i sò àtar pès più cgnusû a 'rcurdém Champagne, Roberta (dedicàda a la sò prima mujēr, la Roberta Stoppa), St. Tropez Twist, la cover ad Let's Twist Again ad Chubby Checker e E mo e mo.
Par la televiśiòṅ 'l à girâ in dal 2006 dódas puntàdi dla série televiśìva Capri.
Filmugrafìa
- 1961 - Pesci d'oro e bikini d'argento, regìa ad Carlo Veo
- 1961 - Maurizio, Peppino e le indossatrici, regìa ad Filippo Walter Ratti
- 1962 - Twist, lolite e vitelloni, regìa ad Marino Girolami
- 1963 - ...denn die Musik und die Liebe in Tirol, regìa ad Werner Jacobs
- 1965 - Mille tatti di baldoria (Tausend Takte Übermut), regìa 'd Ernst Hofbauer
- 1965 - Questi pazzi, pazzi italiani, regìa ad Tullio Piacentini
- 1966 - Giorno caldo al Paradiso Show, regìa 'd Enzo Di Gianni
- 1967 - Totò a Napoli, regìa ad Daniele D'Anza - Film TV
- 1975 - La polizia interviene: ordine di uccidere!, regìa ad Giuseppe Rosati
- 1982 - Cuando calienta el sol... vamos a la playa, regìa ad Mino Guerrini
- 1999 - Non lo sappiamo ancora, regìa ad Stefano Bambini, ad Lino D'Angiò e 'd Alan De Luca
- 2015 - Natale col boss, regìa ad Volfango De Biasi