Peg Entwistle
|
C'l artìcul chè 'l è scrit in
Miranduléś |
La Millicent Lilian Entwistle, cgnusùda méj cuma Peg Entwistle (Port Talbot, 5 ad Favràr dal 1908 - Hollywood, 16 ad Setémbar dal 1932, a s lèś [pɛɡ ˈɛntwɪsəl] in ingléś), l'è stada n'atōra britànica uriginària dal Gàles.
L'à tacâ la sò caréra in dal 1925 recitànd a teàtar e tulénd part a soquànti prudusiòṅ a Broadway. In dal 1927 la s è spuśàda c'n al sò culéga Robert Keith par pò divursiàr dū an dòp esénd che chi lò al n gh'iva minga dit 'd èsar bèla stâ spuśâ e 'd avēr anc un putèṅ ad siē an, Brian Keith, che pò al dvintarà atōr a sò vòlta.
In dal 1932 a vint-quàt'r an, subìt prima ch'a vgnis fóra al sò ùnic film fat, la pelìcula 'd scarésa Thirteen Women cun prutagunìsta l'Irene Dunne e la Myrna Loy, la s è tòlta la vita butànd-as śò da la létra H dla scrita Hollywood (in alóra Hollywoodland) su 'l culìni 'd Hollywood. In dla létra scrita prima 'd murìr l'iva lasâ 'n mesàǵ: «A gh'ò paùra, a sòṅ na cudàrda. A m daspiàś par tut. S'a 'l is fat dimóndi tèmp prima, a 'rév fat vansàr dimóndi dulōr. P.E.».
Filmugrafìa
[mudéfica la surzéia]- 1932 - Thirteen Women, regìa ad George Archainbaud
Culegamènt estéran
[mudéfica la surzéia]Àtar prugèt
[mudéfica la surzéia]
Wikiquote contiene citazioni di o su Peg Entwistle
Wikimedia Commons contiene file multimediali su Peg Entwistle
