Pedro Almodóvar

C'l artìcul chè 'l è scrit in Miranduléś

Pedro Almodóvar Caballero (Calzada de Calatrava, 25 ad Setémbar dal 1949, a s lèś [ˈpeðɾo almoˈðoβaɾ kaβaˈʝeɾo] in spagnōl) 'l è 'n regìsta, senegiadōr, prudutōr, muśicìsta e scritōr spagnōl. Da la fiṅ di an Utànta 'l è cunsiderâ, anc a 'l èstar, al regìsta più pupulàr dal cìnema dla Spaggna.

In dla sò caréra, in dua 'l è pasâ da di film alśēr e traśgresìṿ cuma Labirinto di passioni a la cumèdia o a 'l drama, 'l è stâ bòṅ ad vìnsar dū Prèmi Òscar, in dal 1999 p'r al film furastēr più bèl, Tutto su mia madre, e in dal 2003 par la senegiadùra uriginàla 'd Parla con lei, candidâ anc a la regìa. Cal dū pelìculi chè i aṅ vins anc al Golen Globe.

In dla bachéca dal regìsta manciàṅ i càtan pòst anc sinc Prèmi BAFTA, dū Emmy Awards, dū Lèòṅ 'd Òr e sèt Prèmi Goya.

Fra i sò film più impurtànt a 'rcurdém anc La legge del desiderio, Donne sull'orlo di una crisi di nervi, ch'al 'l à fat cgnós'r anc a 'l èstar e ch'l è stâ candidâ a i Òscar, Volver - Tornare e Dolor y gloria.

In dal sò òvri 'l à dirèt a i sò inìsi Antonio Banderas, Javier Bardem e la Penélope Cruz, ch'i s èṅ fat i òs in di sò film e che pò i aṅ fat strada anc a Hollywood, e di atri atōri impurtànti ch'i aṅ da spés laurâ sèg cuma la Carmen Maura, la Marisa Paredes, la Cecilia Roth, la Victoria Abril, la Rossy de Palma e la Chus Lampreave.

Almodóvar 'l è gay e al n créd briśa in Dio anc s'l à studiâ par soquànt an da i frâ Fransescàṅ e Saleśiàṅ in di sò an pasâ da śōv'n in Estremadùra.

Cuma scritōr 'l à scrit soquànt lìbar cuma Fuoco nelle viscere (2002), Patty Diphusa e altre storie (2004), Tutto su di me (2007) e L'ultimo sogno (2023). Da prudutōr 'l à tirâ fóra i bèsi par di film fat da di sò culéga cuma La spina del diavolo ad Guillermo del Toro (2001), La vita segreta delle parole dl'Isabel Coixet (2009) e Storie pazzesche ad Damián Szifrón (2014).

Filmugrafìa

1978 - Folle... folle... fólleme Tim!
1980 - Pepi, Luci, Bom e le altre ragazze del mucchio (Pepi, Luci, Bom y otras chicas del montón)
1982 - Labirinto di passioni (Laberinto de pasiones)
1983 - L'indiscreto fascino del peccato (Entre tinieblas)
1984 - Che ho fatto io per meritare questo? (¿Qué he hecho yo para merecer esto?)
1986 - Matador
1987 - La legge del desiderio (La ley del deseo)
1988 - Donne sull'orlo di una crisi di nervi (Mujeres al borde de un ataque de nervios)
1989 - Légami! (¡Átame!)
1991 - Tacchi a spillo (Tacones lejanos)
1993 - Kika - Un corpo in prestito (Kika)
1995 - Il fiore del mio segreto (La flor de mi secreto)
1997 - Carne trémula
1999 - Tutto su mia madre (Todo sobre mi madre)
2002 - Parla con lei (Hable con ella)
2004 - La mala educación
2006 - Volver - Tornare (Volver)
2009 - Gli abbracci spezzati (Los abrazos rotos)
2011 - La pelle che abito (La piel que habito)
2013 - Gli amanti passeggeri (Los amantes pasajeros)
2016 - Julieta
2019 - Dolor y gloria
2021 - Madres paralelas
2024 - La stanza accanto (The Room Next Door)

Culegamènt estéran

v · d · m Film ad Pedro Almodóvar
An 1980	Pepi, Luci, Bom e le altre ragazze del mucchio (1980) • Labirinto di passioni (1982) • L'indiscreto fascino del peccato (1983) • Che ho fatto io per meritare questo? (1984) • Matador (1986) • La legge del desiderio (1987) • Donne sull'orlo di una crisi di nervi (1988)
An 1990	Légami! (1990) • Tacchi a spillo (1991) • Kika - Un corpo in prestito (1993) • Il fiore del mio segreto (1995) • Carne tremula (1997) • Tutto su mia madre (1999)
An 2000	Parla con lei (2002) • La mala educación (2004) • Volver (2006) • Gli abbracci spezzati (2009)
An 2010	La pelle che abito (2011) • Gli amanti passeggeri (2013) • Julieta (2016) • Dolor y gloria (2019)
An 2020	Madres paralelas (2021) • La stanza accanto (2024)