Pechîṅ
|
C'l artìcul chè 'l è scrit in
Miranduléś |
Pechîṅ (北京S in cinéś, a s lèś [pěitɕīŋ], scólta'l chè) l'è la capitàl dla Cina, la tèrsa sità più granda dal paéś dòp Chongqing e Shanghai. La mùcia sù dagnóra vint migliòṅ 'd abitànt par 21.893 km².
A nòrd e a nòrd-òvest a gh'è dal culìni e di mònt ciamâ Jundu. I fiùm più impurtànt i èṅ al Yǒngdìng e 'l Cháobái.
Al sò clima 'l è cuntinentàł cun di Istâ dimóndi caldi e umdi (e cun 'l inquinamènt dgl'indùstri e dal tràfic 'l è incóra pèś) e di Invèran fréd, da spés sòta śèr.
Al setōr tersiàri 'l è 'l più impurtànt par l'ecunumìa pechinéśa esénd ch'al riva a 'l 60% dal sò PIL.
Da 'l punt ad vista dal turìśum a gh'è di sit dimóndi viśitâ cuma la Sità Pruibìda, la Gran Muràja, al Palàs 'd Istâ e 'l Tèmpi dal cēl, tut quàtar patrimòni dl'umanità par 'l UNESCO. D'arcurdàr anc la piàsa Tian'anmen.
L'è divìśa in quatórdas distrét urbàṅ (Dongcheng e Xicheng i èṅ qvéli dal sèntar dla sità vècia) e in dū cuntèi ruràli. Da 'l 1982 in avànti, da quànd i aṅ apruvâ un piàṅ nóṿ urbanìstic, in sità i aṅ tirâ sù dimóndi gratacēi.