Peccatori di provincia
|
C'l artìcul chè 'l è scrit in
Miranduléś |
 Peccatori di provincia
| ||
 Montagnani e la Macha Méril in na figùra dal film | ||
| Pcadōr ad pruìnsa 1977 | ||
|---|---|---|
| Regìa: Tiziano Longo | ||
| Scritōr: Paolo Barberi Marino Onorati • Nicola Onorati | ||
| Atōr: Renzo Montagnani • Daniela Halbritter Macha Méril • Riccardo Garrone • Stefano Amato Lauretta Masiero • Femi Benussi • Luciana Turina Fernando Cerulli • Giancarlo Marinangeli | ||
| Müsica: Elio Maestosi • Filippo Trecca | ||
| Léngua: Itagliàṅ | ||
| Dürä dal film: 105 minüt | ||
| Nasiōṅ: Itàglia | ||
Peccatori di provincia (Pcadōr ad pruìnsa) l'è na cumèdia vulgaròta dal 1977 ad Tiziano Longo giràda a Manziàna.
Dal film, vietâ a qvéi 'd sóta di daśdòt an, a gh 'n è soquànti versiòṅ e minga in tuti a s véd al cunsèṅ cun la Luciana Turina ch'la fà la part dna médium.
Sunt
Angelo Lo Curcio (Renzo Montagnani) 'l è 'l sìndig 'd un paiśèṅ 'd pruìnsa dal Lasi. Spuśâ cun la Vincenzina (Macha Méril), al gh'à 'n fiōl śōvan ciamâ Aldo (Giancarlo Marinangeli) ma anc dimóndi dèbit dòp ch'i dū migliàrd ad franc ch'l à tòlt in prèst da 'l diretōr dla sò banca, al raśunēr Benito Musolino (Otello Belardi), i èṅ andâ in fum par via 'd soquànti speculasiòṅ finìdi mâł. Par tiràr-as sù a gh farév dimóndi còmad l'eredità 'd sò fradèl cumendadōr Emanuele, mòrt da pôc. Al stés quèl a pōl valēr anc par sò surèla Concetta (Lauretta Masiero) ch'la gh'à na fiōla malnéta, la Gigia (Femi Benussi), e 'n ragasōl budlòṅ ciamâ Donato (Stefano Amato) ch'al s fà dal pugnéti 'd cuntìnuv.
Purtròp p'r i Lo Curcio al cumendadōr 'l à fat in tèmp a far testamènt lasànd incòśa a na fiōla abùda fóra da 'l matrimòni, la Domitilla Bertacchi (Daniela Halbritter). Anc 'l avucàt ad famìja, Giuseppe Zito (Riccardo Garrone), ma specialmènt sò mujēr Carmela (Fiona Florence) i aṅ butâ gl'òć su tut chi bèsi lè e i vrévan far-as far na prucùra generàla par mét'r al maṅ su 'l patrimòni dla ragàsa, mént'r al prēt Don Alfonso (Fernando Cerulli) al vrév invéci na limòśna vèrs la sò céśa par ciapàr-i lò.
Lśénd bèṅ al testamènt, Angelo al fà a mènt che lè insìma a gh'è scrita na clàuśula cumprumisòria ch'la diś ch'la Domitilla la pardrà tut se par caś la gh'is d'èsar bcada a far la purcùsa. Al sìndig al dmanda a la Gigia ad dar-as da far par far-ag far dal purcàdi in manéra 'd scanślàr-la da l'eredità.