Pearl Harbor (film)
|
C'l artìcul chè 'l è scrit in
Miranduléś |
 Pearl Harbor | ||
.png) Tom Sizemore in na figùra dal film | ||
| id. 2001 | ||
|---|---|---|
| Regìa: Michael Bay | ||
| Scritōr: Randall Wallace | ||
| Atōr: Ben Affleck • Josh Hartnett • Greg Zola Kate Beckinsale • William Lee Scott Ewen Bremner • Alec Baldwin • Jaime King Tom Sizemore • Catherine Kellner • Jon Voight Jennifer Garner • Cuba Gooding Jr. • Mako Michael Shannon • Tomas Arana • Sara Rue Matthew Davis • Peter Firth • Dan Aykroyd David Kaufman • Colm Feore • John Fujioka | ||
| Müsica: Hans Zimmer | ||
| Léngua: Ingléś • Giapunéś • Francéś • Cinéś | ||
| Dürä dal film: 183 minüt | ||
| Nasiōṅ: Stat Unî | ||
Pearl Harbor (id.) 'l è 'n film ad guèra americàṅ dal 2001 ad Michael Bay, candidâ a quàtar Prèmi Òscar p'r al muntàǵ sunōr (vins), p'r al sunōr, par gl'efèt speciài e p'r al braṅ There You'll Be dla Faith Hill.
La pelìcula, ch'la cònta i fat d'l atàc di giapunéś a la baś ad Pearl Harbor in dgl'ìśuli Hawaii dal 7 ad dicémbar dal 1941, l'è custàda sènt-quarànta migliòṅ ad dòlar ma la 'n à purtâ a cà dagnóra quatarsènt-sinquànta in tut al mónd (sédas migliàrd e òṅ ad franc in Itàglia).
Sunt
[mudéfica la surzéia]Rafe McCawley (Ben Affleck) e Danny Walker (Josh Hartnett) i èṅ dū pilòta 'd aparéć d'l eśèrcit americàṅ, amìg da quànd i éran pìcui. Dòp 'l inìsi dla secónda guèra mundiàla, Rafe al decìd ad partìr vuluntàri p'r andàr a cumbàt'r in dal Régn Unî in dal squadròṅ Eagle ch'al difindìva al sità ingléśi da i àtàc di naśìsta. Quànd in di Stat Unî a Pearl Harbor a riva la nutìsia dla sò mòrt, la sò muróśa, l'infarméra dla marìna Evelyn Johnson (Kate Beckinsale), la s davśìna a Danny, tacànd na stòria 'd amōr sèg.
Quànd Rafe al tórna a la baś, esénd scampâ par miràcul a la distrusiòṅ dal sò aparéć, al vîṅ a savēr dla stòria fra la sò muróśa e 'l sò amìg, al s daśgùsta cun Danny batśànd-al cuma 'n traditōr. A n gh'è minga tèmp però par quistiunàr-as parchè 'l Giapòṅ al fà 'n atàc a surpréśa a la baś par dastrùś'r al nâṿ ad guèra americàni férmi a 'l pòrt, cauśànd un muć ad mòrt. Al presidènt di Stat Unî, Franklin Delano Roosevelt (Jon Voight), al decìd ad rispónd'r a 'l atàc entrànd in guèra e urdnànd na ritursiòṅ a i dan di giapunéś.
Al generàł Jimmy Doolittle (Alec Baldwin) al strulga 'n piàṅ p'r andàr a bumbardàr Tokyo cun soquànt aparéć dimóndi alśēr par vulàr bas, faghénd acsè un raid dimustratìṿ par tiràr sù al muràl dal pòpul americàṅ. Fra i vuluntàri ad cla misiòṅ chè i gh'èṅ anc Rafe e Danny.