Pazzi in Alabama
|
C'l artìcul chè 'l è scrit in
Miranduléś |
 Crazy in Alabama | ||
| Pazzi in Alabama | ||
 La Griffith e Wagner in na figùra dal film | ||
| Mat in dl'Alabàma 1993 | ||
|---|---|---|
| Regìa: Antonio Banderas | ||
| Scritōr: Mark Childress | ||
| Atōr: Melanie Griffith • David Morse • Meat Loaf Lucas Black • Cathy Moriarty • Rod Steiger Noah Emmerich • Richard Schiff • John Beasley Robert Wagner • Fannie Flagg • Paul Ben-Victor Brad Beyer • Sandra Seacat • Dakota Johnson | ||
| Müsica: Mark Snow | ||
| Léngua: Ingléś | ||
| Dürä dal film: 111 minüt | ||
| Nasiōṅ: Stat Unî • Germàgna | ||
Pazzi in Alabama (Mat in dl'Alabàma) l'è na cumèdia dramàtica americàna e tedésca dal 1999 'd Antonio Banderas trata da 'l rumànś Istâ 'd matéria ad Mark Childress.
La pelìcula, giràda a Los Angeles, San Francisco, Las Vegas e in Luiśiàna (a Houma, Schriever, Chackbay e New Orleans), l'è stada 'n flop avēnd purtâ a cà sōl dū migliòṅ ad dòlar a frònt 'd un cóst ad quìndas.
Sunt
[mudéfica la surzéia]In dal 1965 Peter Joseph Bullis dit “Peejoe” (Lucas Black) 'l è 'n masćèṅ òrfan ch'al viṿ cun la sò famìja in na sitadìna d'l Alabàma in di an dal muimènt p'r i dirìt sivìi di afroamericàṅ. Un dè al s véd cun sò sîna Lucille Vinson (Melanie Griffith) ch'l'è drē a partìr par la Califòrgna par tgnir adrē a 'l sò sógn ad far l'atōra. Chi lē la gh diś 'd èsar finalmènt libra parchè druànd dal vlèṅ p'r i sórag mis in dal cafè l'à péna cupâ sò marè Chester, un tisi viulènt ch'al gh stava sèmp'r adòs e ch'al gh fava far sèmpar di fiōi in dal méntar ch'al gh mitìva anc i còran. La dóna la gh diś ch'la n psiva far àtar parchè quànd a càpita l'ucaśiòṅ a gh'è da ciapàr-la a 'l vōl. Dòp avēr-ag fat prumét'r ad taśēr, la Lucille la partìs cun la sò màchina, cumprànd pò na capléra in du métar la tèsta tajàda 'd sò marè da 'l mumènt ch'la vliva far-ag védar, purtànd-la sèg, ch'l'éra bòna 'd tiràr avànti anc sénsa 'd lò.
Peejoe e 'l sò fradlèṅ Wiley (David Speck) i vàn'n a star cun sò sîṅ Dove (David Morse), fradèl dla Lucille e becamòrt ad mistēr, mént'r i fiōi ad chi lē, più pìcui, i armàgnan da sò nunóna. Méntar la Lucille la gh la cava a giràr soquànt epiśòdi dal telefìlm Vita da strega, cun 'l ajùt d'l agìnt 'd Hollywood Harry Hall (Robert Wagner), Peejoe al véd al sò amìg ad culōr Taylor Jackson (Louis Miller) masâ da 'l sierìf rasìsta John Doggett (Meat Loaf) ch'l iva pruâ a ciapàr-al méntar chi lò 'l éra drē a scapàr via par na ramàda, dòp avēr fat al bagn in na pisìna par biànc, un quèl pruibî in alóra.
Peejoe, ch'l à vist incòsa, al pénsa 'd far denùnsia pròpria quànd la Lucille la vîṅ farmàda da la pulisìa su 'l Golden Gate Bridge ad San Francisco in du l'éra andàda par butàr śò la tèsta 'd Chester. La dóna, finìda a prucès, la próa a difénd'r-as davànti a 'l giùdas Mead (Rod Steiger).