Patrick Swayze

C'l artìcul chè 'l è scrit in Miranduléś

Patrick Wayne Swayze (Houston, 18 'd Agóst dal 1952 - Los Angeles, 14 ad Setémbar dal 2009, a s lèś [ˈpætɹɪk ˈsweɪzi] in ingléś), 'l è stâ 'n atōr, cantànt e balarèṅ americàṅ. Al gh'à na stéla in dla Hollywood Walk of Fame.

In dla sò caréra, finìda a 'l impruvìś par via 'd un cànc'r a 'l pàncreas ch'al 'l à purtâ via ch'al gh'iva sōl sinquànta-sèt an, 'l è stâ candidâ par tri vòlti a i Golden Globe, in dal 1988 par Dirty Dancing (Balli proibiti), al film ch'al 'l à fat cgnós'r in tut al mónd e in dua lò 'l à cantâ 'l braṅ She's Like the Wind finî a 'l tèrs pòst dla Billboard in alóra, in dal 1991 p'r al film dramàtic Ghost - Fantasma fat in còpia cun la Demi Moore, àtar sucès internasiunàł, e in dal 1996 par la cumèdia A Wong Foo, grazie di tutto! Julie Newmar in di pagn dla drag queen Vida Boheme.

Fra i sò àtar film più famóś a 'rcurdém I ragazzi della 56ª strada ad Francis Ford Coppola (1983), Il duro del Road House (1989), al thriller 'd asiòṅ recitâ insém a Keanu Reeves Point Break - Punto di rottura (1991), la cumèdia Vite nascoste in còpia cun la Melanie Griffith (2000) e 'l film cult cun Jake Gyllenhaal e la Drew Barrymore Donnie Darko (2001).

Durànt al ripréśi dal film Letters from a Killer dal 1998 al s è fat dimóndi mâł cascànd śò da cavàl, scavśànd-as tuti e dū 'l gambi.

Swayze da śōvan 'l à recitâ in 'n epiśòdi dal telefìlm M*A*S*H e in dal 2006 'l à dâ la vōś a 'l persunàǵ ad Cash in dal caròṅ animâ ad Red e Toby 2 - Nemiciamici dla Disney, séguit ad Red e Toby nemiciamici.

Patrick l'éra spuśâ da 'l 1975 cun la balarìna Lisa Niemi. Al gh'à prudót un film che lē l'à girâ in dal 2003, One Last Dance.

Filmugrafìa

Swayze a Mósca insém a Arnold Schwarzenegger

1979 - Skatetown, U.S.A., regìa ad William A. Levey
1980 - The Comeback Kid, regìa ad Peter Levin – film TV
1981 - Il ritorno dei Rebels (Return of the Rebels), regìa ad Noel Nosseck – film TV
1982 - The Renegades, regìa ad Roger Spottiswoode – film TV
1983 - Staying Alive, regìa ad Sylvester Stallone
1983 - I ragazzi della 56ª strada (The Outsiders), regìa ad Francis Ford Coppola
1983 - Fratelli nella notte (Uncommon Valor), regìa ad Ted Kotcheff
1984 - Pigs Vs. Freaks, regìa ad Dick Lowry – film TV
1984 - Bulldozer (Grandview, U.S.A.), regìa ad Randal Kleiser
1984 - Alba rossa (Red Dawn), regìa ad John Milius
1986 - Spalle larghe (Youngblood), regìa ad Peter Markle
1987 - Dirty Dancing - Balli proibiti (Dirty Dancing), regìa 'd Emile Ardolino
1987 - Alba d'acciaio (Steel Dawn), regìa ad Lance Hool
1988 - Il ritorno di Tiger (Tiger Warsaw), regìa 'd Amin Q. Chaudhri
1989 - Il duro del Road House (Road House), regìa ad Rowdy Herrington
1989 - Vendetta trasversale (Next of Kin), regìa ad John Irvin
1990 - Ghost - Fantasma (Ghost), regìa ad Jerry Zucker
1991 - Point Break - Punto di rottura (Point Break), regìa dla Kathryn Bigelow
1992 - I protagonisti (The Player), regìa ad Robert Altman - séni tajàdi
1992 - La città della gioia (City of Joy), regìa ad Roland Joffé
1993 - Famiglia in fuga (Father Hood), regìa ad Darrell Roodt
1995 - Pecos Bill - Una leggenda per amico (Tall Tale), regìa ad Jeremiah S. Chechik
1995 - A Wong Foo, grazie di tutto! Julie Newmar (To Wong Foo Thanks for Everything, Julie Newmar), regìa ad Beeban Kidron
1995 - Tre desideri (Three Wishes), regìa dla Martha Coolidge
1998 - Black Dog, regìa ad Kevin Hooks
1998 - Letters from a Killer, regìa ad David Carson
2000 - Vite nascoste (Forever Lulu), regìa ad John Kaye
2001 - The Dragon (Green Dragon), regìa ad Timothy Linh Bui
2001 - Donnie Darko, regìa ad Richard Kelly
2002 - Amici di... letti (Waking Up in Reno), regìa ad Jordan Brady
2003 - One Last Dance, regìa dla Lisa Niemi
2003 - Ore 11:14 - Destino fatale (11:14), regìa ad Greg Marcks
2004 - Dirty Dancing 2 (Dirty Dancing: Havana Nights), regìa ad Guy Ferland
2004 - George and the Dragon, regìa ad Tom Reeve
2005 - Missione tata (The Pacifier), regìa 'd Adam Shankman - figùri 'd archìvi
2005 - Icon - Sfida al potere (Icon), regìa ad Charles Martin Smith – film TV
2005 - La famiglia omicidi (Keeping Mum), regìa ad Niall Johnson
2007 - Christmas in Wonderland, regìa ad James Orr
2007 - Jump!, regìa ad Joshua Sinclair
2009 - Powder Blue, regìa ad Timothy Linh Bui

Culegamènt estéran

Àtar prugèt

Wikiquote contiene citazioni di o su Patrick Swayze
Wikimedia Commons contiene file multimediali su Patrick Swayze