Parigi o cara (film)
|
C'l artìcul chè 'l è scrit in
Miranduléś |
 Parigi o cara
| ||
.png) La Franca Valeri in na figùra dal film | ||
| Cara la mè Parì 1962 | ||
|---|---|---|
| Regìa: Vittorio Caprioli | ||
| Scritōr: Vittorio Caprioli • Franca Valeri Renato Mainardi • Silvana Ottieri | ||
| Atōr: Franca Valeri • Vittorio Caprioli • Gigi Reder Fiorenzo Fiorentini • Pina Madonna • Nunzia Fumo Annamaria Ubaldi • Greta Gonda • Gisèle Gallois Marina Morgan • Antonio Battistella • Nando Cicero Marc Doelnitz • Margherita Girelli • Franco Ressel | ||
| Müsica: Fiorenzo Carpi | ||
| Léngua: Francéś • Itagliàṅ | ||
| Dürä dal film: 106 minüt | ||
| Nasiōṅ: Itàglia | ||
Parigi o cara (Cara la mè Parì) l'è na cumèdia itagliàna dal 1962 ad Vittorio Caprioli, fata véd'r a 'l 65śum Fèstival ad Venèsia in dla sesiòṅ dal „cìnema itagliàṅ catâ 'd nóṿ“.
Al tìtul dal film al daśvîṅ da 'n braṅ 'd La traviata ad Giuseppe Verdi.
Sunt
La Delia Nesti (Franca Valeri) l'è na putàna 'd Róma piutòst snob tant ch'la n lavóra minga par strada ma sōl miténd di anùnsi su i giurnài. Un dè la ricév na létra da sò fradèl Claudio (Fiorenzo Fiorentini), un buśòṅ ch'l è andâ a star a 'l èstar da soquànt an a Parì e che lē la n véd da dimóndi tèmp.
Dòp avēr purtâ sò pàd'r a 'l ricòvar, la scaja la partìs p'r andàr-'l a catàr in Frància mo anc par far la vita dla sgnōra cuntànd ad far i bèsi. Purtròp par lē al ròbi i n vànan minga bèṅ e la Delia l'è custréta a mét'r-as c'n un pisajōl véduv, Gennaro Avallone (Vittorio Caprioli), ch'al gh'à anc di fiōi da crésar. I dū i tórnan in Itàglia e i vèr'n un risturànt insém.