Paola Senatore
|
C'l artìcul chè 'l è scrit in
Miranduléś |
La Paola Senatore (Róma, 9 ad Nuvémbar dal 1949, a s lèś [ˈpaːola senaˈtoːre] in itagliàṅ) l'è n'atōra itagliàna.
Dòp al sò debùt a 'l cìnema cun Robin Hood, l'invincibile arciere (1970), film 'd aventùra girâ in Spaggna, la s è fata cgnósar p'r i sò film ad gènar di an Stanta e Utànta girâ cun di regìsta cuma Tinto Brass, Joe D'Amato, Mariano Laurenti, Umberto Lenzi e Michele Massimo Tarantini.
A 'l inìsi dla sò caréra a l'arcurdém p'r avēr tòlt part a 'l thriller Il fiore dai petali d'acciaio (1972), a fiànc ad Gianni Garko e dla Carroll Baker, a 'l drama Storia di una monaca di clausura (1973), cun l'Eleonora Giorgi, la Catherine Spaak, la Suzy Kendall e la Giuliana Calandra, a 'l pulisiésc Un tipo con una faccia strana ti cerca per ucciderti (1973), cun prutagunìsta la Barbara Bouchet, a 'l śal L'assassino ha riservato nove poltrone (1974), insém a la Rosanna Schiaffino, a 'l eròtic Salon Kitty (1976), in dua l'à incruśâ su 'l set Helmut Berger e l'Ingrid Thulin, a 'l drama malnét Càlamo (1976), in còpia cun Lino Capolicchio, e a 'l aventuróś e spurcaciòṅ Emanuelle in America (1976) cun la Laura Gemser in di pagn dlʼEmanuelle.
In séguit l'è pasàda a la cumèdia a l'itagliàna girànd pelìculi cuma Il ginecologo della mutua (1977), cun Renzo Montagnani, Action (1980), insém a Luc Merenda e a l'Adriana Asti, L'infermiera di notte (1979), a fiànc dla Gloria Guida, ad Lino Banfi e 'd Alvaro Vitali, e Dove vai se il vizietto non ce l'hai? (1979) in dla part dla mujēr dal cumendadōr Mario Carotenuto ch'la dà 'l incàr'g a Renzo Montagnani ad far luś su i tradimènt ad sò marè.
In dal 1980 l'à girâ al film ad scarésa eśòtic Mangiati vivi!, a fiànc dla Janet Agren e 'd Robert Kerman, méntar l'an dòp l'è stada impgnàda su 'l set dal cumèdi La settimana al mare, cun Enzo Cannavale, l'Anna Maria Rizzoli e Andrea Occhipinti, e La dottoressa preferisce i marinai, insém a Alvaro Vitali, la Marisa Mell e Renzo Montagnani.
A la mità di an Utànta, subìt dòp avēr girâ la pelìcula pòran Non stop sempre buio in sala, l'è finìda in parśòṅ par soquànt méś par di prubléma cun la dròga, ch'la vindìva e ch'la druàva lē.
Filmugrafìa
- 1970 - Robin Hood, l'invincibile arciere, regìa ad José Luis Merino
- 1972 - A.A.A. Massaggiatrice bella presenza offresi..., regìa ad Demofilo Fidani
- 1973 - Amore quotidiano, regìa ad Claude Pierson
- 1973 - Diario segreto da un carcere femminile, regìa ad Rino Di Silvestro
- 1973 - Un tipo con una faccia strana ti cerca per ucciderti, regìa ad Tulio Demicheli
- 1973 - Servo suo, regìa ad Romano Scavolini
- 1973 - Storia di una monaca di clausura, regìa ad Domenico Paolella
- 1973 - Il fiore dai petali d'acciaio, regìa ad Gianfranco Piccioli
- 1973 - Provaci anche tu, Lionel, regìa ad Roberto Bianchi Montero
- 1974 - L'assassino ha riservato nove poltrone, regìa ad Giuseppe Bennati
- 1974 - Madeleine... anatomia di un incubo, regìa ad Roberto Mauri
- 1974 - L'erotomane, regìa ad Marco Vicario
- 1974 - Voglia di lei, regìa ad Claude Pierson
- 1975 - Due prostitute a Pigalle (Zig Zig), regìa ad László Szabó
- 1975 - Salon Kitty, regìa ad Tinto Brass
- 1975 - Càlamo, regìa ad Massimo Pirri
- 1976 - Come cani arrabbiati, regìa ad Mario Imperoli
- 1976 - Emanuelle in America, regìa ad Joe D'Amato
- 1977 - Il ginecologo della mutua, regìa ad Joe D'Amato
- 1977 - Dimensione giganti, regìa ad Mircea Drăgan
- 1977 - Casa Machada, regìa ad José Antonio Nieves Conde
- 1977 - Nenè, regìa ad Salvatore Samperi
- 1978 - La donna della calda terra, regìa ad José María Forqué
- 1979 - L'infermiera di notte, regìa ad Mariano Laurenti
- 1979 - Bersaglio altezza uomo, regìa ad Guido Zurli
- 1979 - Dove vai se il vizietto non ce l'hai?, regìa ad Marino Girolami
- 1979 - Immagini di un convento, regìa ad Joe D'Amato
- 1979 - I guappi non si toccano, regìa ad Mario Bianchi
- 1980 - Action, regìa ad Tinto Brass
- 1980 - Mangiati vivi!, regìa 'd Umberto Lenzi
- 1981 - La settimana al mare, regìa ad Mariano Laurenti
- 1981 - La dottoressa preferisce i marinai, regìa ad Michele Massimo Tarantini
- 1983 - Ti spacco il muso bimba, regìa ad Mario Carbone
- 1984 - Malombra, regìa ad Bruno Gaburro
- 1984 - Maladonna, regìa ad Bruno Gaburro
- 1985 - Non stop sempre buio in sala, regìa 'd Arduino Sacco
- 1986 - La sfida erotica, regìa 'd Arduino Sacco
- 1987 - Penombra, regìa ad Bruno Gaburro